«Nur Otan» partııasy oblystyq fılıaly ǵımaratynda Elbasynyń «100 naqty qadam» Ult josparyn júzege asyrýǵa baǵyttalǵan Parlament Senatynyń depýtaty, Sot júıesi jáne quqyq qorǵaý organdarynyń konstıtýsııalyq zańnamasy jónindegi komıtetiniń múshesi Bektas Beknazarovtyń qatysýymen kóshpeli otyrys ótti.
Sharaǵa oblys ákiminiń orynbasary Ǵalı Esqalıev, oblystyq máslıhattyń hatshysy Sánııa Qaldyǵulova, sýdıalar, prokýratýra men advokatýra qyzmetkerleri, oblystyń quqyq qorǵaý organdarynyń ókilderi qatysty.
Otyrysty oblystyq máslıhattyń hatshysy Sánııa Qaldyǵulova qysqasha sóz sóılep ashyp, Ult josparynyń mańyzyna toqtaldy. Jıynda sóz alǵan senator Bektas Beknazarov Memleket basshysy Nursultan Nazarbaevtyń Ult jospary – 100 naqty qadam bes ınstıtýttyq reformasyn júzege asyrý – bul jahandyq ishki syn-qaterlerge jaýap jáne jańa tarıhı jaǵdaılarda damyǵan 30 memlekettiń qataryna ený jónindegi baıandy baǵdarlama ekendigin atap ótti. «100 naqty qadam» Qazaqstan memlekettiligin nyǵaıtýǵa, týra joldan taımaýǵa, kúrdeli kezeńnen senimdi ótýge jaǵdaı týǵyzatyn jáne zań ústemdigin qamtamasyz etetin bolady, – deı kelip, ol quqyq qorǵaý orǵandaryn reformalaýǵa baılanysty bolatyn ózgeristerdi túsindirdi. Oblystyq sottyń tóraǵasy Erlan Aıtjanov Ult josparyn júzege asyrýdaǵy zań ústemdigin qamtamasyz etý máselesi jóninde baıandady, sottyń ashyqtyǵy men jarııalylyǵyna qatysty atqarylǵan jumystardy tilge tıek etti. Onyń aıtýynsha, oblystyq sot beıne jáne aýdıo quraldarmen 70 paıyz qamtamasyz etilgen, bul óz kezeginde sot jumysynyń jarııalylyǵy men ashyqtyǵyna alǵyshart jasaıdy. Odan keıin sóz alǵan oblystyq ishki ister departamenti basshysynyń birinshi orynbasary Rahat Ahanov quqyq qorǵaý organdaryndaǵy ózgeristerdi búgingi jaǵdaımen sabaqtastyrdy, aldaǵy ýaqytta atqarylar aýqymdy isterdi aıta kelip, bul baǵyttaǵy oılaryn ortaǵa saldy. Ásirese, jergilikti bılikpen qoıan-qoltyq jumys isteýdiń tıimdiligine basa nazar aýdardy. Senator, sondaı-aq, oblys ortalyǵynda qoǵamdyq qabyldaý ótkizdi. Sodan keıin Alǵa jáne Hromtaý aýdanynyń aktıvimen kezdesip, Elbasynyń «100 naqty qadam» Ult josparyn júzege asyrýǵa baǵyttalǵan túsinik jumystaryn júrgizdi.
Satybaldy SÁÝIRBAI, «Egemen Qazaqstan».
Aqtóbe oblysy.
