Bıyl ekinshi ret uıymdastyrylǵan bastama «Mádenıet jáne óner salasynyń básekege qabilettiligin arttyrý, qazaqstandyq mádenı murany saqtaý, zertteý jáne nasıhattaý, arhıv isin júzege asyrýdyń tıimdiligin arttyrý» baǵyty boıynsha iske asyrylyp otyr.
Bıyl jobaǵa elimizdiń ár óńirinen 20 jas qalamger qatysyp, shyǵarmashylyq sheberlikterin jetildirýde. Baǵdarlama barysynda otandyq jáne sheteldik qalamgerler, sondaı-aq ádebıettanýshy ǵalymdar dáris oqyp, tájirıbelerin bólisýde.
Sonymen qatar ádebı sheberlik mektebine ǵylymı-zertteý ınstıtýttarynyń ókilderi de tartylyp, qatysýshylarǵa ádebıet pen ǵylym toǵysyndaǵy tyń baǵyttar boıynsha tolymdy bilim berýge ún qosqan.
Aldaǵy kúnderi jas qalamgerler úshin Polsha, Qyrǵyzstan,О́zbekstan elderinen kelgen ǵalymdar men ádebıettanýshylar dáris júrgizetin bolady.
