Foto: Ashyq derekkóz
Sońǵy eki apta qatarynan áleýmettik taýarlardyń ortasha baǵa ındeksi ózgerissiz — 0% deńgeıinde saqtalyp otyr. О́tken aptada kúrish – 0,2%-ǵa, qyryqqabat – 2,2%-ǵa, sábiz – 4,1%-ǵa, kartop – 5,7%-ǵa, pııaz – 9%-ǵa tómendegen.
Sıyr eti naryǵyna qatysty jaǵdaı bólek talqylanǵan. Bir apta ishinde baǵa 0,8%-ǵa ósip, jyl basynan beri jalpy ósim 20,2%-dy quraǵan.
«Qazaqstandyq sıyr eti básekege qabiletti: eldegi ortasha baǵa bir kg úshin 3105 teńgeni quraıdy, bul EAEO elderi men О́zbekstanǵa qaraǵanda tómen. Bul rette kórshi elder tarapynan suranys turaqty joǵary ekenin atap ótý kerek», dedi saýda jáne ıntegrasııa birinshi vıse-mınıstri Aıjan Bıjanova.
Kelesi maýsymda kartop baǵasynyń qymbattaýyn boldyrmaý úshin Saýda mınıstrligi, Aýyl sharýashylyǵy mınıstrligi, jergilikti ákimdikter jáne kartop ósirýshiler odaǵy turaqty jetkizilim men ádil baǵaǵa qatysty memorandým ázirlep jatyr.
Aýyl sharýashylyǵy vıse-mınıstri Erbol Tasjúrekovtiń málimetinshe, 22 tamyzdaǵy jaǵdaı boıynsha qyryqqabattyń 317,9 myń tonnasy, kartoptyń 512,9 myń tonnasy, pııazdyń 226,8 myń tonnasy, sábizdiń 98,8 myń tonnasy jınalǵan.
Sonymen qatar barlyq óńirler kúzgi-qysqy jáne kóktemgi kezeńde qoljetimdi baǵany qamtamasyz etý úshin turaqtandyrý qorlaryna kókónis ónimderin jetkizýge arnalǵan kelisimsharttardy áli aıaqtaǵan joq. Osyǵan baılanysty vıse-premer Saýda jáne ıntegrasııa mınıstrligine ónimniń jetkilikti kólemin jáne sapasyn turaqty baqylaý úshin tekserý algorıtmin ázirleýdi tapsyrdy.
Keńeste turaqtandyrý qorlaryn qadaǵalaýdy sıfrlandyrý máselesi de kóterildi. Áleýmettik mańyzy bar azyq-túlik ónimderiniń kiris-shyǵysyn tirkeý úshin beınemonıtorıng júıeleri men qoımalarǵa skanerleýshi qurylǵylar ornatý usynyldy. Bul shara ónim qozǵalysynyń ashyqtyǵyn arttyryp, ony onlaın baqylaýǵa múmkindik beredi.
Serik Jumanǵarın bul bastamany qoldap, óńirlerge ony engizý joldaryn qarastyrýdy tapsyrdy.
