Telesaıysqa qatysatyn úmitkerler anyqtaldy
«Fox News» medıakorporasııasy Respýblıkashyl partııadan AQSh prezıdenttigine kandıdattyqqa usynylǵan on úmitkerdi atady. Olar negizgi telesaıysqa qatysatyn bolady.
Tizimde mıllıarder Donald Tramp, Florıda shtatynyń burynǵy gýbernatory Djeb Býsh, Vıskonsınnyń gýbernatory Skott Ýoker, Arkanzas shtatynyń eks-gýbernatory Maık Hakabı, zeınetker neırohırýrg Ben Karson, Nıý-Djersı jáne Ogaıo shtattarynyń gýbernatorlary Krıs Krıstı men Djon Keısıch, senatorlar Rend Pol, Marko Rýbıo jáne Ted Krýs bar. Júrgizilgen saýaldama nátıjesi aldyńǵy orynda Tramptyń, odan keıin Býsh pen Ýokerdiń turǵandyǵyn kórsetken. Bul «negizgi quramǵa» jeti úmitker kire almaǵan. Olar pikirsaıysqa bólek shaqyrylady.
Jolaýshylar poıyzynyń vagondary ózenge qulady
Úndistannyń ortalyq bóliginde eki poıyzdyń vagondarynyń kópirden ózenge qulaýy saldarynan 25-ke jýyq jolaýshy mert boldy. Bul aqparatty úndistandyq aqparat quraldary taratty.
Qaıǵyly jaǵdaı sársenbige qaraǵan túni Madhıa-Pradesh shtatyndaǵy Harda qalasynan 25 shaqyrymdaı jerde bolǵan. Aldymen Mýmbaı-Varanası baǵytymen kele jatqan poıyzdyń alty vagony kópirdiń qıylysynda relsten shyǵyp ketip, ózenge qulaǵan. Birneshe mınýttan keıin osyǵan jaqyn jerde Djabalper – Mýmbaı baǵytyndaǵy poıyzdyń lokomotıvi jáne úsh vagony relsten shyǵyp ketken. Temirjol kompanııasy ókiliniń aıtýynsha, apat nóser jaýynnyń saldarynan bolýy ábden múmkin.
Eń kóp tabys tapqan kınoakter
Amerıkalyq Forbes jýrnalynyń reıtıngi boıynsha, álemde eń joǵary aqy tólenetin kınoakter bolyp «Mstıteleı» juldyzy kishi Robert-Daýnı tanyldy.
Atalǵan basylym onyń 2014 jyldyń 1 maýsymy men 2015 jyldyń 1 maýsymy aralyǵyndaǵy tabysyn 80 mıllıon dollar dep baǵalaǵan. Tizimde ekinshi bolyp Gonkong turǵyny Djekı Chan tur. Onyń tabysy 50 mıllıon dollar eken. Van Dızel 47 mıllıon dollarmen úshinshi orynǵa jaıǵasypty. Sondaı-aq, basylym Bredlı Kýperdiń tabysyn 41,5 mıllıonǵa, Adam Sendlerdiń tabysyn 41 mıllıonǵa, Tom Krýzdyń kirisin 40 mıllıon dollarǵa baǵalapty. Al Mark Ýolberg 32 mıllıon dollarmen onynshy orynda tur.
Qysqa qaıyryp aıtqanda:
● AQSh Kongresiniń ókilder palatasy Iranmen, onyń ıadrolyq baǵdarlamasy boıynsha kelisimdi qabyldamaý týraly qarar jobasyn engizdi. Qujatty tómengi palatanyń shetel isteri jónindegi komıtettiń tóraǵasy Ed Roıs usynǵan.
● Shveısarııa kedenshileri Qytaı azamattarynyń chemodandaryn tekserý kezinde 260 kıloǵa jýyq pil súıegin tapty. Qara bazarda onyń quny shamamen 410 myń dollardy quraıdy eken.
● Iran Túrkimenstanmen aradaǵy shekaraǵa deıingi alǵashqy jolaýshylar poıyzyn iske qosty. Poıyzdyń jyldamdyǵy saǵatyna 120 shaqyrymdy quraıdy.
● «Irak pen Levanttyń terrorlyq toby» degen atpen belgili sodyrlar eki aptada Mosýl qalasynyń 2 myń turǵynyn óltirgen. Qaza bolǵandardyń kópshiligi polıseıler men áskerı qyzmetkerler jáne sheneýnikter.
Ushaq apatynan 16 polıseı qaza tapty
Kolýmbııada ushaq apatynyń saldarynan 16 polısııa qyzmetkeri qaza tapty. «Reıter» aqparat agenttiginiń habarlaýynsha, oqıǵa eldiń soltústik-batysyndaǵy ormandy aımaqta bolǵan.
Amerıkalyq óndiriste shyǵarylǵan UH-60 ushaǵy taýǵa soǵylǵan. Kolýmbııa qorǵanys mınıstri Lýıs Karlos Vılegastyń sózine qaraǵanda, ushaq aýa raıynyń qolaısyzdyǵynan nemese mehanıkalyq zaqymdanýdan apatqa ushyraýy múmkin. Qaza tapqan polısııa qyzmetkerleri esirtkige qarsy operasııalarǵa qatysyp júr eken. Atap óteıik, osydan tórt kún buryn eldiń soltústik-shyǵysynda dvıgatel aqaýyna baılanysty ıspandyq óndirisinen shyqqan CASA C – 235 ushaǵy qulap, 11 áskerı qyzmetshi qaza tapqan edi.
Eldiń birinshi hanymy parlament saılaýyna qatyspaq
Venesýela prezıdentiniń zaıyby Sılııa Flores eldiń Ulttyq assambleıasy – parlament saılaýyna qatysýǵa sheshim qabyldady. Saılaý osy jyldyń 6 jeltoqsanynda ótedi.
Prezıdent Nıkolas Madýro zaıybynyń bul sheshimin quptaǵan. Osynyń aldynda ǵana oppozısııa jetekshisi M.Machadony kandıdat retinde tirkeýden bas tartqan eken. Al Sılııa Flores – Venesýela Birtutas sosıalıstik partııasynyń múshesi. Ol 2006-2011 jyldary aralyǵynda parlament spıkeri boldy, 2012-2013 jyldary eldiń bas prokýrory qyzmetin atqarǵan. 62 jastaǵy S.Flores óziniń kúıeýi N.Madýrodan on jas úlken.
Hoýsıtter áskerı bazadan aıyryldy
Iemen prezıdentiniń áskeri Lahdj provınsııasyndaǵy áskerı-áýe bazasyn shııttik kóterilisshiler – hoýsıtterden bosatty. Bul jóninde operasııaǵa jetekshilik etken armııa generaly Hadı Fadel málimdedi.
Generaldyń aıtýynsha, birneshe saǵatqa sozylǵan urysta ondaǵan hoýsıtter jer jastanǵan nemese tutqynǵa alynǵan, júzdegen hoýsıtter qashyp qutylǵan. Áskerler aýmaǵy 40 sharshy shaqyrym bolatyn Ál-Anad bazasynan hoýsıtterdi izdestirýde. Armııa generaly áskerler Iemenniń ońtústigindegi Lahdj jáne Abıan provınsııalaryn hoýsıt sodyrlarynan tolyqtaı tazartýǵa ýáde berip otyr. Al shabýyl prezıdent áskeri Saýd Arabııasy men Birikken Arab Ámirlikterinen jańa tehnıka men qarý-jaraqtar alǵannan keıin bastalǵan.
«Fox News» medıakorporasııasy Respýblıkashyl partııadan AQSh prezıdenttigine kandıdattyqqa usynylǵan on úmitkerdi atady. Olar negizgi telesaıysqa qatysatyn bolady.
Tizimde mıllıarder Donald Tramp, Florıda shtatynyń burynǵy gýbernatory Djeb Býsh, Vıskonsınnyń gýbernatory Skott Ýoker, Arkanzas shtatynyń eks-gýbernatory Maık Hakabı, zeınetker neırohırýrg Ben Karson, Nıý-Djersı jáne Ogaıo shtattarynyń gýbernatorlary Krıs Krıstı men Djon Keısıch, senatorlar Rend Pol, Marko Rýbıo jáne Ted Krýs bar. Júrgizilgen saýaldama nátıjesi aldyńǵy orynda Tramptyń, odan keıin Býsh pen Ýokerdiń turǵandyǵyn kórsetken. Bul «negizgi quramǵa» jeti úmitker kire almaǵan. Olar pikirsaıysqa bólek shaqyrylady.
Jolaýshylar poıyzynyń vagondary ózenge qulady
Úndistannyń ortalyq bóliginde eki poıyzdyń vagondarynyń kópirden ózenge qulaýy saldarynan 25-ke jýyq jolaýshy mert boldy. Bul aqparatty úndistandyq aqparat quraldary taratty.
Qaıǵyly jaǵdaı sársenbige qaraǵan túni Madhıa-Pradesh shtatyndaǵy Harda qalasynan 25 shaqyrymdaı jerde bolǵan. Aldymen Mýmbaı-Varanası baǵytymen kele jatqan poıyzdyń alty vagony kópirdiń qıylysynda relsten shyǵyp ketip, ózenge qulaǵan. Birneshe mınýttan keıin osyǵan jaqyn jerde Djabalper – Mýmbaı baǵytyndaǵy poıyzdyń lokomotıvi jáne úsh vagony relsten shyǵyp ketken. Temirjol kompanııasy ókiliniń aıtýynsha, apat nóser jaýynnyń saldarynan bolýy ábden múmkin.
Eń kóp tabys tapqan kınoakter
Amerıkalyq Forbes jýrnalynyń reıtıngi boıynsha, álemde eń joǵary aqy tólenetin kınoakter bolyp «Mstıteleı» juldyzy kishi Robert-Daýnı tanyldy.
Atalǵan basylym onyń 2014 jyldyń 1 maýsymy men 2015 jyldyń 1 maýsymy aralyǵyndaǵy tabysyn 80 mıllıon dollar dep baǵalaǵan. Tizimde ekinshi bolyp Gonkong turǵyny Djekı Chan tur. Onyń tabysy 50 mıllıon dollar eken. Van Dızel 47 mıllıon dollarmen úshinshi orynǵa jaıǵasypty. Sondaı-aq, basylym Bredlı Kýperdiń tabysyn 41,5 mıllıonǵa, Adam Sendlerdiń tabysyn 41 mıllıonǵa, Tom Krýzdyń kirisin 40 mıllıon dollarǵa baǵalapty. Al Mark Ýolberg 32 mıllıon dollarmen onynshy orynda tur.
Qysqa qaıyryp aıtqanda:
● AQSh Kongresiniń ókilder palatasy Iranmen, onyń ıadrolyq baǵdarlamasy boıynsha kelisimdi qabyldamaý týraly qarar jobasyn engizdi. Qujatty tómengi palatanyń shetel isteri jónindegi komıtettiń tóraǵasy Ed Roıs usynǵan.
● Shveısarııa kedenshileri Qytaı azamattarynyń chemodandaryn tekserý kezinde 260 kıloǵa jýyq pil súıegin tapty. Qara bazarda onyń quny shamamen 410 myń dollardy quraıdy eken.
● Iran Túrkimenstanmen aradaǵy shekaraǵa deıingi alǵashqy jolaýshylar poıyzyn iske qosty. Poıyzdyń jyldamdyǵy saǵatyna 120 shaqyrymdy quraıdy.
● «Irak pen Levanttyń terrorlyq toby» degen atpen belgili sodyrlar eki aptada Mosýl qalasynyń 2 myń turǵynyn óltirgen. Qaza bolǵandardyń kópshiligi polıseıler men áskerı qyzmetkerler jáne sheneýnikter.
Ushaq apatynan 16 polıseı qaza tapty
Kolýmbııada ushaq apatynyń saldarynan 16 polısııa qyzmetkeri qaza tapty. «Reıter» aqparat agenttiginiń habarlaýynsha, oqıǵa eldiń soltústik-batysyndaǵy ormandy aımaqta bolǵan.
Amerıkalyq óndiriste shyǵarylǵan UH-60 ushaǵy taýǵa soǵylǵan. Kolýmbııa qorǵanys mınıstri Lýıs Karlos Vılegastyń sózine qaraǵanda, ushaq aýa raıynyń qolaısyzdyǵynan nemese mehanıkalyq zaqymdanýdan apatqa ushyraýy múmkin. Qaza tapqan polısııa qyzmetkerleri esirtkige qarsy operasııalarǵa qatysyp júr eken. Atap óteıik, osydan tórt kún buryn eldiń soltústik-shyǵysynda dvıgatel aqaýyna baılanysty ıspandyq óndirisinen shyqqan CASA C – 235 ushaǵy qulap, 11 áskerı qyzmetshi qaza tapqan edi.
Eldiń birinshi hanymy parlament saılaýyna qatyspaq
Venesýela prezıdentiniń zaıyby Sılııa Flores eldiń Ulttyq assambleıasy – parlament saılaýyna qatysýǵa sheshim qabyldady. Saılaý osy jyldyń 6 jeltoqsanynda ótedi.
Prezıdent Nıkolas Madýro zaıybynyń bul sheshimin quptaǵan. Osynyń aldynda ǵana oppozısııa jetekshisi M.Machadony kandıdat retinde tirkeýden bas tartqan eken. Al Sılııa Flores – Venesýela Birtutas sosıalıstik partııasynyń múshesi. Ol 2006-2011 jyldary aralyǵynda parlament spıkeri boldy, 2012-2013 jyldary eldiń bas prokýrory qyzmetin atqarǵan. 62 jastaǵy S.Flores óziniń kúıeýi N.Madýrodan on jas úlken.
Hoýsıtter áskerı bazadan aıyryldy
Iemen prezıdentiniń áskeri Lahdj provınsııasyndaǵy áskerı-áýe bazasyn shııttik kóterilisshiler – hoýsıtterden bosatty. Bul jóninde operasııaǵa jetekshilik etken armııa generaly Hadı Fadel málimdedi.
Generaldyń aıtýynsha, birneshe saǵatqa sozylǵan urysta ondaǵan hoýsıtter jer jastanǵan nemese tutqynǵa alynǵan, júzdegen hoýsıtter qashyp qutylǵan. Áskerler aýmaǵy 40 sharshy shaqyrym bolatyn Ál-Anad bazasynan hoýsıtterdi izdestirýde. Armııa generaly áskerler Iemenniń ońtústigindegi Lahdj jáne Abıan provınsııalaryn hoýsıt sodyrlarynan tolyqtaı tazartýǵa ýáde berip otyr. Al shabýyl prezıdent áskeri Saýd Arabııasy men Birikken Arab Ámirlikterinen jańa tehnıka men qarý-jaraqtar alǵannan keıin bastalǵan.
