Qyzylordada 4 kúnde 899 ákimshilik quqyq buzýshylyq anyqtaldy

QYZYLORDA. 6 tamyz. Qyzylordada «Taza qala – taza aımaq» profılaktıkalyq is-sharasynyń 4 kúninde 899 ákimshilik quqyq buzýshylyq anyqtaldy. Bul týraly egemen.kz tilshisi habarlady. Sharaǵa ýchaskelik jáne ıývenaldy polısııa ınspektorlary, jol-patrýldik polısııa batalony qyzmetkerlerinen quralǵan 500-ge jýyq qyzmetker jumyldyrylyp, is-sharanyń 4 kúninde barlyǵy 899 ákimshilik quqyq buzýshylyq tirkedi. Atap aıtatyn bolsaq, 1 tamyz kúni saǵat 10.30 shamasynda Qyzylorda oblysy, Shıeli kentindegi kóp qabatty úıdiń aýlasyna qurylys qaldyqtaryn jınap qoıyp, qala tazalyǵy men kórkine eleýli zııan keltirgendigi úshin 1976 jyly týǵan azamatqa Ákimshilik quqyq buzýshylyq týraly kodekstiń 505-baby 1-bólimimen eskertý jasaldy. Sonymen qatar, dál osyndaı derek 3 tamyz kúni saǵat 11.50 shamasynda Qyzylorda qalasynda da oryn alǵan. Atap aıtqanda, Tasbóget kentiniń turǵyny ortalyq alańda temeki shegip, qaldyǵyn tastap, qoǵamdyq oryndardy lastaǵany úshin ustaldy. Oǵan qatysty Ákimshilik quqyq buzýshylyq týraly kodekstiń 434-babymen ákimshilik is rásimdelip, sheshim qabyldaýǵa Qyzylorda qalasynyń ákimshilik sotyna  joldandy. Erjan Baıtiles. Derek: egemen.kz. Sýret: pinetron.ru.