Kókshetaýda 82 jastaǵy turǵyn 4-qabattan qulap, qaza tapty

ASTANA. 6 tamyz. Kókshetaýda 82 jastaǵy qeıýana 4-qabattan qulap, qaza tapty. Bul týraly oblystyq ishki ister departamentiniń baspasóz qyzmeti habarlady. Qaıǵyly oqıǵa Kókshetaý qalasynda oryn alǵan. Qalalyq ishki ister basqarmasynyń kezekshi bólimine oblystyq aýrýhananyń dárigeri habarlaǵan. Ol: «Túrli dene jaraqatymen aýrýhananyń jan saqtaý bólimine 1933 jyly týǵan áıel kisi tústi. Dárigerler onyń ómirin aman alyp qalýǵa umytylǵanymen, keıýana alǵan jaraqatynan qaıtys boldy», – dedi. Al qaza tapqan qarııanyń nemeresi: «Ájemniń kózi nashar kóretin jáne úıde jalǵyz qalǵan bolatyn. Sondyqtan da ájem esikti ashamyn dep baıqaýsyzda terezeni ashyp jibergen bolýy múmkin», – dedi. Aıta keteıik, atalǵan oqıǵaǵa baılanysty quqyq qorǵaý ogandary tekserý júrgizýdi bastady. Talǵat Raıymbek. Derek: «QazAqparat» Sýret: astana.gov.kz.