Foto: Ashyq derekkóz
Bul qadam Memleket basshysy Qasym-Jomart Toqaevtyń «Jasandy ıntellekt dáýirindegi Qazaqstan: ózekti máseleler jáne ony túbegeıli sıfrlyq ózgerister arqyly sheshý» atty Joldaýynda aıtylǵan tapsyrmalardy iske asyrý sheńberinde qolǵa alynyp otyr.
Sıfrlyq damý, ınnovasııalar jáne aeroǵarysh ónerkásibi vıse-mınıstri Dmıtrıı Mýn energetıka salasynda sıfrlandyrýdyń qarqyndy damýyna baılanysty kıberqaýipterdiń de artyp kele jatqanyn atap ótti.
Vıse-mınıstrdiń aıtýynsha, sıfrlyq basqarý júıelerin engizý jylý-elektr stansııalarynyń tıimdiligin joǵarylatqanymen, olardyń syrtqy yqpaldarǵa osaldyǵyn kúsheıtedi.
«Energetıka salasynyń ózindik erekshelikteri bar, sondyqtan bul baǵytta tek osy júıelerdiń qurylymyn, qoldanylatyn jabdyqtardy jáne yqtımal úzilisterdi jaqsy biletin mamandar jumys isteýi tıis. Dál osyndaı bilikti mamandar ǵana mańyzdy nysandarǵa arnalǵan jańa talaptardy ázirleı alady», dedi Dmıtrıı Mýn.
