Batys Qazaqstanda memlekettik qyzmetkerler zańsyzdyqqa jol berdi

ORAL. 23 maýsym. Batys Qazaqstan oblystyq aýmaqtyq ınspeksııasynyń laýazymdy qyzmetkerleri elimizge alys shet elderden et ónimderin jetkizý kezinde ózderine senip tapsyrylǵan tikeleı fýnksıonaldyq mindetterin belden basqany belgili bolyp otyr. Bul týraly egemen.kz tilshisi habarlady. Elimizde Aýyl sharýashylyǵy mınıstrligine qaraıtyn veterınarlyq baqylaý jáne qadaǵalaý komıteti qurylǵan. Al el óńirlerinde onyń aýmaqtyq ınspeksııalary jumys jasaıdy. Qazirgi kezde bul qurylymdarǵa júktelip otyrǵan jaýapkershilik óte joǵary. Áıtse de Batys Qazaqstan oblystyq ınspeksııasynyń qyzmetkerleri joǵarydaǵydaı zańsyzdyqtarǵa jol bergen. Mundaı kereǵarlyqtardy Batys Qazaqstan oblystyq prokýratýrasy anyqtady. Atap aıtqanda, atalǵan ınspeksııanyń memlekettik veterınarlyq-sanıtarlyq ınspektorlary Marat Qabdenov pen Serik Súndetovter osyndaı las is-áreketterge barǵan. Olar elimizge jalǵan veterınarlyq sertıfıkattar boıynsha et ónimderiniń jetkizilýine kózderin juma qaraǵan. Ony kórse de kórmegendeı túr tanytqan. Bul turǵyda jasalǵan prokýrorlyq tekserýler et ónimderin jiberýshi Brazılııa elinen sertıfıkat túpnusqasynyń joq bolǵanyn rastaıdy. Sonymen birge, Lıtva Respýblıkasynan berilgen qujat ta tıisti úlgige sáıkes kelmegen. Soǵan qaramastan, joǵaryda aty-jónderi kórsetilgen laýazymdy qyzmetkerler osy sertıfıkattardy zańsyz qaıta resimdegen. Keıin et ónimderi tıelgen avtokólik Reseı Federasııasynda ustaldy. Sirá, halqymyz qoıdy qasqyrǵa baqtyrý degen tirkesti osyndaıda aıtsa kerek. Temir Qusaıyn. Derek: egemen.kz. Sýret: 1720.kz.