Foto: Ashyq derekkóz
Soltústik-shyǵysta nóser jaýyn kútilip otyr. Sonymen qatar, ortalyq pen soltústik-shyǵysta burshaq túsý yqtımaldyǵy bar. Tek batys, soltústik-batys jáne ońtústik óńirlerde soltústik-batys antısıklonynyń yqpalymen jaýyn-shashynsyz kún raıy ornaıdy.
Búkil respýblıka aýmaǵynda jeldiń kúsheıýi boljanady. Túngi jáne tańǵy ýaqytta soltústik, shyǵys, ortalyq jáne ońtústik-shyǵys aımaqtarda tuman túsýi múmkin.
Qostanaı oblysynyń soltústik jáne shyǵys bóliginde túnde aýa temperatýrasy -2°S-qa deıin tómendeıdi. Almatyda kúndizgi aýa raıy +18…+20°S shamasynda bolyp, jeldiń ekpini 3-8 m/s deńgeıinde bolady.
Buǵan qosa, Jetisý óńirinde, Batys Qazaqstan oblysynyń soltústiginde, Aqtóbe oblysynyń soltústiginde, sondaı-aq Mańǵystaý men Qostanaı oblystarynyń ońtústiginde órt qaýpi joǵary deńgeıde saqtalatyny eskertildi.
