Foto: primeminister.kz
О́ńir turǵyndaryn sýmen qamtamasyz etý – Memleket basshysynyń Úkimet aldyna qoıǵan basym mindetteriniń biri. Úkimettiń málimetinshe, Prezıdent tapsyrmasy boıynsha oblys aýmaǵyndaǵy 6 sýmen jabdyqtaý nysanyn salý jobalaryn júzege asyrýǵa Arnaýly memlekettik qordan 2 mlrd teńgeden astam qarjy bólindi.
Jobalar jalpy Aral jáne Qazaly aýdandaryndaǵy 2 myńǵa jýyq turǵyny bar aýyldardy qamtyp, Tastúbek, Erimbetjaǵa, Sháken, Shıli, Shıtúbek, Sarbulaq aýyldaryn sapaly sýmen qamtamasyz etýge múmkindik beredi. Jumysqa toptyq sýmen jabdyqtaý júıelerine qosý da, aýylishilik jelilerdi salý da kiredi.
Nysandardyń qurylysyn aıaqtap, paıdalanýǵa berý osy jyldyń sońyna josparlanǵan.
