Fotoekspedısııa

Qazaq handyǵynyń 550 jyldyǵyna oraı maýsym aıynyń 19-y men 21-i aralyǵynda Jambyl-Shý-Moıynqum aýdandarynda fotoekspedısııa ót­kizildi. Sharany uıymdastyrýshylar  – ál-Farabı atyndaǵy Qazaq ulttyq ýnıversıtetiniń jýrnalıstıka fa­kýlteti men «Fotoóner» qo­ǵamdyq bir­lestigi. Igi bastamaǵa qoldaý kórset­ken Jambyl oblysynyń ákimdigi men «Nur Otan» partııasynyń oblystyq fılıaly. Fotoekspedısııanyń alǵashqy kúninde baspasóz máslıhaty ótti. Basqosýdy ashqan ekspedısııa kezinde birge júrip, jol kórsetken «Nur Otan» partııasy oblystyq fılıaly tóraǵasynyń birinshi orynbasary Masat Áshimuly sharanyń el tarıhyn tanyp-bilýde mańyzy zor ekenin tilge tıek etti. Jıyn barysynda jýrnalıstıka fakýltetiniń dekany Saǵatbek Medeýbekuly oblystyń aqparat salasynda eńbek etip júrgen basshylaryna dıplom men syılyqtar tabys etti. Fotosaparǵa elimizdiń ár óńirinen, Astana, Almaty qalalary men Mańǵystaý, Jambyl aýdandarynan fototilshiler men jas mamandar qatysty. Sonymen, ekspedısııa Jambyl oblysy, Turar Rysqulov aýdanynda ornalasqan Aqyrtas saraı keshenin fotoǵa túsirýden bastaldy. VIII ǵasyrda irgesi qalanǵan tasty qala Aqyrtas saraı, Kerýen saraı, Tórtkúl, Qaraýyl munarasy, obalar syndy sáýlettik-arheologııalyq keshenderden turady. Qurylys materıaldary tas jáne pishimi malǵa shóp salatyn aqyrǵa uqsas bolǵandyqtan, Aqyrtas dep atalǵan. Sýretteri birge tasqa qashalyp beınelengen. Bul tańbalar qazaqtyń kóshpeli halyq ekeniniń taǵy bir dáleli. Joldyń uzaqtyǵyna baılanysty fo­tosýretshiler Jaısań jazyǵyndaǵy balbal tas músinderdi túngi kezeńde tú­sirdi. Músindegi adamnyń qulaǵynda syr­ǵa­sy, qolynda qanjary men qumy­rasy bar. Ár tasy tunǵan tarıh, qasıetti Jam­byl jerindegi fotoekspedısııa qy­zyqty jalǵasty. Nazerke SÁNDIBEK.