Foto: saryarka-samaly.kz
О́ńirlerdegi qajettilikter eskerilip, bıyl 5 myńnan astam bilim granty bólindi. 2024 jyldyń qazan aıynan beri 16 tapshy mamandyq boıynsha aýyldarda jumys istep júrgen 254 dáriger 8,5 mln teńge kóleminde bir rettik tólem alǵan. 2025 jyly taǵy 105 mamanǵa osyndaı qoldaý kórsetildi.
Dáriger tapshylyǵy 19%-ǵa, orta sanatty medısına qyzmetkerleri tapshylyǵy 13%-ǵa azaıdy. Aýyldyq jerlerdegi kadr tapshylyǵy 17%-ǵa tómendedi.
1 qyrkúıekten bastap alty negizgi baǵyt boıynsha (onyń ishinde terapııa, pedıatrııa jáne hırýrgııa) ınternatýrada, sondaı-aq pedıatrııa baǵytyndaǵy 14 mamandyq boıynsha rezıdentýrada oqytý bastaldy.
Qaraǵandy medısınalyq ýnıversıteti men Qazan federaldyq ýnıversıteti arasynda alǵash ret eki dıplom baǵdarlamasy iske qosylyp, 70 stýdent oqýǵa qabyldandy. Sondaı-aq Pákistan medısınalyq ýnıversıtetiniń fılıalyn ashý máselesi pysyqtalyp jatyr.
Úkimettiń Telegram arnasynyń málimetinshe medısınalyq qyzmetkerlerdiń qaýipsizdigin qamtamasyz etý maqsatynda densaýlyq saqtaý qyzmetkerlerine qol kóterý oqıǵalaryna qatysty Qylmystyq kodekske jeke bap engizý bastamasy kóterildi. Ishki ister mınıstrligimen birlesip is-qımyl jospary ázirlendi: medısınalyq uıymdarda 152 polısııa beketi ornatyldy. Sondaı-aq memlekettik medısınalyq uıymdardyń 98%-y jáne jekemenshik uıymdardyń 76%-y jalpy somasy 3,1 mlrd teńgege kásibı jaýapkershilikti saqtandyrý sharttaryn jasasty.
