О́ndiristegi jaraqat kórsetkishi tómendedi

Eńbek jáne halyqty áleýmettik qorǵaý mınıstrligi Memle­kettik eńbek ınspeksııa­sy komıtetiniń dereginshe, jyl basynan beri óndiristik jaraqattaný koeffısıenti (1000 jumyskerge shaqqan­daǵy jazataıym oqı­ǵalar­dyń jıiligi) 0,13 boldy. Dese de, elimizdiń óndiristik aı­maqtarynda jumyskerlerdiń jaraqattanýy áli de joǵary. Máselen, Qaraǵandy oblysynda – 103, Shyǵys Qazaqstan oblysynda – 89, Pavlodar oblysynda – 68, Aqtóbe oblysynda – 64, Atyraý oblysynda – 48, Almaty qalasynda 51 adam zardap shekti. Eń kóp zardap shekkender taý-ken metallýrgııa ónerkásibin­de – 17,4 %, qurylys salasynda – 10,2%.

Jazataıym oqıǵalar negizi-nen óndiristegi jumystyń tıisti deńgeıde uıymdastyrylmaýy (34,2%), jábirlenýshiniń óreskel abaısyzdyǵy (33,6%), eńbek qaýipsizdigi men eńbekti qorǵaý erejelerin buzý (8,5%), jol qozǵalysy erejelerin buzý (7,8%) saldarynan bolǵan.

Eńbekti qorǵaýǵa qatysty quqyq qorǵaý organdaryna 730 materıal jiberildi, so­nyń negizinde 211 qylmystyq is qozǵaldy. Qaýipsiz eńbek jaǵ­­daıyn nyǵaıtý men óndi­ristik jaraqattanýdy azaıtý – Úkimet pen Eńbek jáne ha­lyqty áleýmettik qorǵaý mınıstr­li­giniń negizgi mindetteriniń biri. Bes jylda memlekettik organ­dar men jumys berýshilerdiń eńbek­ti qorǵaýǵa qatysty qabyl­da­ǵan keshendi sharalarynyń ná­tıjesinde óndiristik jara­qattaný deńgeıi 6,7%-ǵa tómen­dedi. Profılaktıka men buzý­shylyqtyń aldyn alý maq­satynda 3 262 kásiporyn qaýip­sizdik pen eńbekti qorǵaý standarttaryn engizdi. 2019 jyldan beri «Nóldik jaraqat – Vision Zero» tujyrymdamasy 610 kásip­orynda belsendi jumys atqarylyp keledi.

Budan bólek, «Onlaın eńbek konsýltanty» elektrondyq servısi iske qosyldy. Ol jumysker men jumys berýshiniń arasynda qashyqtyqtan ózara árekettesýdi qamtamasyz etip, eńbek zańnamasynyń tıimdili­gin arttyrýǵa múmkindik beredi. Servıs jumys berýshiniń eńbek­ti qorǵaý talaptarynyń saqta­lýyn qarastyrady. Iske qosyl­ǵaly 50 125 jumys berýshi ıgili­gin kórdi.

2024–2030 jyldarǵa arnal­ǵan qaýipsiz eńbek tujyrymda­masy negizgi 4 baǵytty kózdeıdi. Olar – táýekelge baǵdarlan­ǵan tásil negizinde eńbekti qorǵaý­dyń ulttyq júıesin jańǵyr­tý, jumys oryndarynda táýekel­di tómendetý jónindegi sharalardy ekonomıkalyq yntalandyrý, kásibı quzyrettilik­ter men ǵylymı áleýetti damytý, sondaı-aq eńbekti qor­ǵaý salasyndaǵy baqylaý men monıtorıngtiń tıimdiligin arttyrý. Tujyrymdama óndiris­tik jaraqattaný men kásiptik syr­­qattanýshylyq deńgeıin tómen­detýge yqpal etedi.