Tele2 jáne Altel kompanııalary abonenttik tólem men tarıftik josparlar boıynsha kórsetiletin qyzmet kóleminiń ózgeretinin málimdedi. Operatorlardyń túsindirýinshe, tarıfterdiń ósýine jańa Salyq kodeksiniń kúshine enýi, sondaı-aq jelilerdi damytý, jańǵyrtý jáne qyzmet kórsetý shyǵyndarynyń artýy sebep bolǵan.
«Kompanııa tarıftik josparlar baǵasyn qaıta qaraıdy. Bul – jelilerdi damytý men qyzmet kórsetý shyǵyndarynyń ósýine, sondaı-aq salyq zańnamasyndaǵy ózgeristerge baılanysty májbúrli shara. Abonenttik tólemdi ózgertý servısterdiń turaqtylyǵyn qamtamasyz etip, qyzmet sapasyn arttyrýǵa múmkindik beredi», delingen Tele2/Altel habarlamasynda.
Tarıfterdiń qalaı ózgeretini jónindegi naqty aqparat ár abonentke SMS arqyly jiberiledi. Aıta keteıik, Tele2 jáne Altel – «Mobaıl Telekom-Servıs» JShS-niń saýda markalary.
Beeline da tarıfterdiń ózgeretinin rastady. Kompanııa 2026 jylǵy 1 qańtardan bastap mobıldi jáne keńse ınternetiniń quny qaıta qaralatynyn habarlady. Tarıfterdegi naqty ósim jónindegi aqparat kompanııanyń resmı saıtynda jarııalanady.
«QQS mólsherlemesiniń ózgerýi baılanys, ınternet jáne servıstik qyzmetterdiń qunyna áser etedi. Osyǵan baılanysty abonenttik tólem de túzetiledi. Biz barlyq paıdalanýshylardy ózgerister kúshine engenge deıin keminde 30 kún buryn habardar etemiz», dep málimdedi Beeline.
Al Kcell kompanııasy tarıfterdi qymbattatý jóninde ázirge naqty sheshim qabyldamaǵanyn habarlady.
«QQS mólsherlemesiniń ózgerý yqpalyn zerttep jatyrmyz. Eger tarıfterdi qaıta qaraý qajettiligi týyndasa, bul týraly resmı túrde aldyn ala habarlaımyz», delingen kompanııa habarlamasynda.
