Petropavlda qazaq teatry alǵash ret 1935 jyly ashylǵan. Biraq keńestik saıasat Qyzyljarǵa qazaq jurtshylyǵyn jaqyndatpaý maqsatymen ol teatrdy 1938 jyly Atyraýǵa kóshirip jibergen. Sodan bergi orystandyrý saıasatymen tól ónerimizden ajyrap qalǵan qala jurtshylyǵyna 2000 jyly, Táýelsizdiktiń arqasynda, S.Muqanovtyń 100 jyldyǵyna oraı, 62 jyldan keıin qazaq teatry qaıta ashylǵan edi. Ony rejısser A.Sársenbek M.Áýezovtyń «Qaragóz» spektaklymen ashqysy kelgen, biraq qalanyń kónekóz qarttary S.Muqanovtyń óz pesalary da kem emes ekenin aıtyp, Sábeń teatry óz shyǵarmasymen ashylsyn dep talap qoıǵan.
Sóıtip, S.Muqanov atyndaǵy teatr jazýshynyń «Aqqan juldyz» pesasymen ashylǵan edi. Sodan beri teatr halyqaralyq, respýblıkalyq birneshe konkýrstardyń jeńimpazy bolyp keledi.
Sońǵy ret Túrkistanda bolǵan halyqaralyq konkýrsta S.Muqanovtyń «Móldir mahabbat» romanyn sahnalap, Bas júldeni jeńip ákeldi. Teatrdyń qazirgi dırektory Birjan Jalǵasbaev.
PETROPAVL
