TJD baspasóz qyzmetiniń málimetinshe, oqıǵa boıynsha Qylmystyq kodekstiń 292-baby 2-bóligi («О́rt qaýipsizdigi talaptaryn buzý, abaısyzda adam ólimine ákep soqtyrý») boıynsha is tirkeldi. Qajetti saraptamalar taǵaıyndalǵan, al órttiń naqty sebebi anyqtalyp jatyr.
Mańǵystaý oblystyq jedel jáne shuǵyl medısınalyq járdem stansııasy da qaıǵyly jaǵdaıdy rastady: órt kezinde 2017 jyly týǵan bala kóz jumǵan.
QIJK-niń 201-babyna sáıkes, sotqa deıingi tergeý derekteri jarııa etilmeıtindikten, TJD oqıǵa jóninde qosymsha aqparat bermegen.
Eske salaıyq, qaıǵyly oqıǵa 8 jeltoqsan kúni Aqtaýda bolǵan. Turǵyn úıdegi páter órtenip, sonyń saldarynan bir bala kóz jumdy.
