Sonymen qatar daıyndalǵan nemese ózge tásilmen konservilengen balyq, ýyldyryq jáne onyń balamalarynyń óndirisi 20,2%-ǵa ósip, 12,3 myń tonnaǵa jetti.
Tushy, salqyndatylǵan nemese muzdatylǵan balyqty eń kóp óndirgen óńir – Shyǵys Qazaqstan oblysy (9,1 myń tonna). Odan keıin Atyraý, Qyzylorda, Túrkistan jáne Almaty oblystary keledi. Al konservilengen balyq pen ýyldyryq boıynsha Túrkistan, Batys Qazaqstan jáne Shyǵys Qazaqstan oblystary aldyńǵy qatarda tur.
2025 jyldyń qańtar-qyrkúıek aılarynda otandyq kompanııalar ishki naryq pen eksportqa baǵyttalǵan óńdelgen jáne konservilengen balyq, shabaqtarǵa degen suranystyń 49,6%-yn qamtamasyz etti (ótken jyly – 47,8%). Osy kezeńde óndiris 14,6%-ǵa artyp, 44,5 myń tonnany qurady. Import kólemi de 6,4%-ǵa ósip, 45,2 myń tonnaǵa jetti. Eksport pen reeksport 15,2%-ǵa azaıyp, 12,7 myń tonnany kórsetti. Ishki naryqtaǵy jalpy satylym kólemi 77 myń tonna boldy, bul ótken jylmen salystyrǵanda 16,1%-ǵa artyq.
2025 jyldyń ekinshi toqsanynda halyqtyń balyq jáne teńiz ónimderin tutynýy bir adamǵa shaqqanda 3,5 kg boldy, ıaǵnı ótken jylmen shamalas (ósim – 0,5%). Tushy nemese salqyndatylǵan balyq tutyný 1,9%-ǵa ósip, 2,3 kg-ǵa jetti. Muzdatylǵan balyq tutyný 8,7%-ǵa azaıyp, 377 gramdy qurady.
О́ńirler boıynsha alǵanda balyq pen teńiz ónimderin eń kóp tutynatyn aımaq – Soltústik Qazaqstan oblysy, onda bir adam toqsanda orta eseppen 5,7 kg ónim paıdalanǵan. Odan keıin Aqmola oblysy (5,6 kg) jáne Atyraý oblysy (5 kg) keledi. Eń tómen kórsetkish Shymkent qalasynda (1,1 kg), sondaı-aq Mańǵystaý (2,5 kg) jáne Jambyl (2,8 kg) oblystarynda tirkeldi.
2025 jyldyń ekinshi toqsanynda úı sharýashylyqtarynyń balyq pen teńiz ónimderine jumsaǵan shyǵyny 20,3 myń teńgeni qurap, bir jyl ishinde 8,4%-ǵa artty. Eń kóp shyǵyn Atyraý oblysynda tirkeldi – orta eseppen 30,2 myń teńge (ótken jyly – 27,7 myń teńge). Odan keıingi oryndarda Túrkistan oblysy men Almaty qalasy tur. Eń az qarjy Shymkent, Mańǵystaý jáne Qostanaı oblystarynyń turǵyndary tarapynan jumsalǵan.
2025 jyldyń qazan aıynda balyq pen teńiz ónimderiniń baǵasy bir aıda 2,5%-ǵa, jyl ishinde 16,3%-ǵa qymbattady. Bir aılyq dınamıkada tushy nemese salqyndatylǵan balyq 2,6%-ǵa, muzdatylǵan balyq 1,5%-ǵa, konservilengen ónimder 2,9%-ǵa ósti. Jyldyq ósim boıynsha tushy balyq baǵasy 11,2%-ǵa, muzdatylǵan balyq 22,9%-ǵa, al konservilengen túrleri 20,4%-ǵa qymbattady.
Aımaqtar ishinde eń joǵary baǵa ósimi Qyzylorda oblysynda tirkeldi – bir aıda 13,9%. Eń tómen ósim Pavlodar men Jambyl oblystarynda baıqaldy – árqaısysynda 0,4%. Shymkent qalasynda balyq baǵasy qazan aıynda ózgerissiz qalǵan.
