Alash amanatyna adaldyq

Ǵylymı jıyn bastalarda zııa­ly qaýym mektep aýlasynda ornatylǵan qaıratkerdiń bıýstin (avtory Talǵat Anarbek) saltanatty túrde ashyp, gúl shoqtaryn qoıdy. Konferensııanyń plenarlyq májilisinde mektep-gımnazııa dırektory Qarlyǵash Janǵazaqova, «Qaharmandar» qoǵamdyq qory­nyń prezıdenti, zańger-ǵalym Sabyr Qasymov, «Qazaq gazet­teri» seriktestiginiń bas dırektory, akademık Dıhan Qamzabekuly, Sh.Ýá­lıhanov atyndaǵy Tarıh jáne etnologııa ınstıtýtynyń bas ǵylymı qyz­metkeri, professor Gúlnar Muqanova, L.N.Gýmılev atyndaǵy EUÝ qazaq ádebıeti kafedrasynyń qaýymdastyrǵan professory, alashtanýshy Qaıyrbek Ke­meńger, tarıhshy-ǵalym, qaýym­dastyrylǵan professor Kúlpash Ilııasova, RF Sibir dástúrli qolóner ınstıtýtynyń professory, pedagogıka ǵylymdarynyń doktory Qaıyrtaı Ámirǵazın, Túrkııa Mımar Sınan óner ýnı­versıtetiniń professory, tarıh doktory Ábdýaqap Qara, Qajy Baıram Ýálı ýnıversıtetiniń professory, tarıh doktory Gúljanat Qurmanǵalıeva-Erjılasýn, Moń­ǵolııanyń Baıólke aımaǵy Bi­lim basqarmasy til-ádebıet aǵa ádiskeri Ásemgúl Ibragımqyzy, Qyrǵyzstan Q.Tynystanov atyndaǵy Ystyqkól ýnı­ver­sı­tetiniń ǵylymı qyzmetkeri Azız Aýbakırov, Sh.Ýálıhanov atyndaǵy Tarıh jáne etnologııa ınstıtýty Astana fılıaly dırektorynyń orynbasary Samat Jumataıuly, Abaı atyndaǵy QazUPÝ aǵa oqytýshysy, PhD Talǵat Janysbaı baıandama jasady. Ǵylymı jıynǵa Astana halyqaralyq ýnıversıteti О́ner jáne gýmanıtarlyq ǵylymdar joǵary mektebiniń dekany Saıat Ybyraı moderatorlyq etti.

Halyqaralyq konferensııanyń pedagogterge arnalǵan bólimi myna júıede ǵylymı-ádistemelik talqylaýlar júr­gizdi: birinshi baǵyt – «Smaǵul Sádýaqas­ulynyń qoǵamdyq-saıası qyzmeti jáne Alash ulttyq ıdeıasy» (tóraǵalary – Ǵalııa Járimbet, tarıh magıstri, Aqjol Me­shithan, pedagog-sarapshy), ekinshi baǵyt – «S.Sádýaqasuly murasy jáne zamanaýı bilimdi basqarýdyń jańa modelderi» (tóraǵalary – Sáýlesh Baımuhan, pedagog-zertteýshi, Ernar Oraztaı, pedagog-moderator), úshinshi baǵyt – «Alash qaıratkerleri eńbegi jáne qazirgi orta bilim máseleleri» (tóraǵalary – Maqpal Toqtasyn, pedagog-sarapshy, Maǵjan Ǵy­lymbek, pedagog-moderator), tór­tinshi baǵyt – «Adal azamat» bir­tutas tárbıe baǵdarlamasy jáne Smaǵul Sádýaqasuly eń­bekterindegi rýhanı-mádenı tu­tastyq ıdeıasy» (tóraǵalary – Roza Beıbit, pedagog-sarapshy, Mádına Qab­den, muǵalim), besinshi baǵyt – «Smaǵultaný» zertteý eńbekterin bilim berý úderisine yqpaldastyrý: JI múmkindikteri» (tóraǵalary – Lena Shámen, pedagog-zertteýshi, Ulpan Turǵynbek, muǵalim). Mo­deratordyń bári – osy mekteptiń tarıh páni muǵalimderi.

Konferensııanyń nátıjesinde Smaǵul Sádýaqasulynyń aǵar­týshylyq ıdeıalarynyń qazirgi bilim berý júıe­simen úndes­tigi talqylanyp, ulttyq qundy­lyqtarǵa negizdelgen bilim berý­­diń ózekti baǵyttary usynyldy. Qatysý­shylar zamanaýı mektepte ulttyq-rýhanı qundylyqtardy oqytý ádisteri, sıfr­lyq bilim berý múmkindikteri jáne pedagogterdiń kásibı daıyndyǵyn kúsheıtý joldary jóninde tájirıbe almasty.

«Mektebimizdiń S.Sadýaqasuly mu­ra­syn jańǵyrtýyna Astana qala­sy bilim basqarmasynyń basshysy Qasym­han Senǵazyulynyń, tanymal smaǵul­taný­shylardyń, osy bilim oshaǵynyń alǵash­qy jetekshisi Janar О́mirhanqyzynyń, dırektorymyz Qarlyǵash Esim­hanqyzynyń eńbegi zor. Kon­ferensııanyń Alash amanaty men bilimniń jańashyl basym­dyqtaryna arnalýy – tá­ýelsizdik talaby», deıdi osy mektep-gımnazııa dırek­torynyń ǵylymı-ádistemelik jumys jó­nin­degi orynbasary Juldyz Kókı.

Eskergen Imanbaı 

Astana