Májilis cpıkeri, «Amanat» partııasynyń tóraǵasy Erlan Qoshanovtyń aıtýynsha, qazir elimizde tarıhı ózgerister júrip jatyr jáne partııa osy úderisterdiń alǵy shebinde tur. Bıyl Prezıdenttiń qatysýymen alǵash ret aýyl ákimderiniń dıalog-platformasy ótkizilip, onda el damýyna qatysty mańyzdy máseleler talqylandy. Bul alań – partııa áleýetiniń jáne el basshylyǵynyń oǵan degen joǵary seniminiń aıqyn kórsetkishi.
«Prezıdent saıasaty – partııa jumysynyń negizgi basymdyǵy. Sondyqtan biz Memleket basshysynyń barlyq Joldaýlaryn, reformalary men bastamalaryn qoldaımyz. О́ıtkeni olardyń artynda memlekettik múdde, azamattardyń ál-aýqaty jáne elimizdiń turaqty damýy tur. Partııa óz jumysynda osyny basshylyqqa alady. Osy shaqyrylymda depýtattar bastamashylyq etken 98 zańnyń 88-in partııamyzdyń músheleri ázirledi. Bul – Májilistegi bastamashyl zańdardyń 90 paıyzy «Amanat» fraksııasyna tıesili degen sóz. Osy joǵary qarqyndy aldaǵy ýaqytta da saqtaý qajet», dedi E.Qoshanov.
Sonymen qatar partııa tóraǵasy zań shyǵarý úderisi barysynda fraksııa músheleri 7 100-den asa ózgertý men túzetý engizgenin atap ótti. Olar 728 depýtattyq saýal joldady. Iаǵnı osy shaqyrylymda Májiliste joldanǵan depýtattyq saýaldardyń jartysynan kóbisi «Amanat» fraksııasynyń múshelerine tıesili. Bul saýaldardyń barlyǵy azamattardy tolǵandyrǵan ózekti máselelerdi sheshýge baǵyttalǵan.
Erlan Qoshanov «Jer amanaty», «Sıfrlyq qoǵam», «Qaryzsyz qoǵam» jáne «Aýyl amanaty» partııalyq jobalaryna erekshe nazar aýdardy. Búginde osy jobalar belsendi túrde júzege asyrylyp, mıllıondaǵan azamatqa naqty qoldaý kórsetip otyr. Depýtattar bul jobalardy júıeli júzege asyrý isine belsendi aralasyp, olardyń máni men mańyzyn halyqqa keńinen túsindirýge tıis.
Sondaı-aq Májilis spıkeri aýyl ákimderiniń dıalog-platformasynda Prezıdent aıqyndap bergen negizgi mindetterdi júzege asyrý jumysyn jedeldetýdi tapsyrdy. Atap aıtqanda, aýdan ákimderin saılaý jáne IV deńgeıli bıýdjetterdi jetildirý boıynsha naqty usynystar ázirleý qajet ekeni atap ótildi. Bul máseleler «Amanat» partııasynyń О́ńirlik damý jónindegi respýblıkalyq keńesinde ashyq ári jan-jaqty qaralýǵa tıis. Sondaı-aq fraksııa shalǵaı aýdandar men shekaralyq aýmaqtardy damytýǵa arnalǵan zańnyń tezdetip qabyldanýyn qamtamasyz etýi qajet. Bul osy aýdandardyń turaqty ári keshendi áleýmettik-ekonomıkalyq damýyna baǵyttalǵan júıeli qujat bolýy kerek.
Jıyn sońynda partııa tóraǵasy parlamentshilerdiń óńirlerge sapary aldynda depýtattarǵa birqatar mindet júktedi. Kelesi jyly qańtar aıynda saılaýshylarmen kezdesýler bastalady. Sapar barysynda depýtattar óndiristik jáne áleýmettik nysandardy aralap, eńbek ujymdarymen júzdesip, azamattardy jeke qabyldaıdy. E.Qoshanov bul kezdesýler jergilikti máselelerdi ashyq talqylaýǵa jáne qabyldanǵan zańdardyń mánin halyqqa túsindirýge baǵyttalǵan mazmundy dıalog formatynda ótýge tıis ekenin atap ótti.
