Taldaý mektebine qatysýshylar anyqtaldy

Bıylǵy oqý 17 qańtar men 7 naý­ryz aralyǵynda ótedi. Segiz apta boıy ár senbi saıyn qatysýshylarǵa otandyq jáne sheteldik tanymal lektorlar men trenerler – memleket qaıratkerleri, túrli saladaǵy sarapshylar men analıtıkter dáris oqıdy.

Kezekti oqý kýrsynyń taqyryby – «Smart governance: tıimdi basqarý úshin derekter, analıtıka jáne jasandy ıntellekt». Osyǵan baılanys­ty irikteý kezinde jumys tájirıbesi men ǵylymı dárejesi bar, sondaı-aq analıtıkalyq qury­lymdarda, memlekettik basqarý júıesinde, ulttyq kompanııalarda, buqaralyq aqparat quraldarynda, úkimettik emes jáne halyqaralyq uıymdarda qyzmet etetin, tıisti salada bazalyq bilimi bar kandıdattarǵa basymdyq berildi.

Kýrs aıasynda qatysýshylar de­rekterdi jınaý men taldaýdyń qol­danbaly ádisterin meńgeredi. Ár baǵyt boıynsha tájirıbeli mentorlar­dyń jetekshiligimen qatysýshylar­dan komandalar qurylady. Segiz aptalyq oqý aıaqtal­ǵannan keıin qatysýshylar men mentorlardyń birlesken eńbegi – ana­lıtıkalyq materıaldar jına­ǵy jaryq kóredi. Bul materıal­dar Parlament depýtattary, Ornyq­ty damý salasyndaǵy ulttyq maqsat-mindetterdiń iske asyrylýyna monıtorıng júrgizý jónindegi Parlamenttik komıssııa, sondaı-aq salalyq memlekettik organdar úshin usynymdar retinde paıdalanylady.

Taldaý mektebiniń negizgi maqsaty – memlekettik basqarýda, áleýmettik jáne gýmanıtarlyq zertteýlerde, BAQ-ta analıtıkalyq tásilderdi kúsheıtý. Aıta keteıik, joba 2021 jyly Senat janyndaǵy Sarapshylar klýbynyń bastamasymen jáne Senat tóraǵasy Máýlen Áshimbaevtyń qoldaýymen qolǵa alyndy. 2022–2025
jyldary Mekteptiń tórt legi ótkizi­lip, memlekettik qyzmet, aka­de­mııa­lyq jáne analıtıkalyq uıym­dar, BAQ, ulttyq kompanııalar men aza­mat­tyq sektordan shamamen 300 analıtık bilimin jetildirdi.