Áleýmettik jobalar qoǵamnyń eń ózekti salalaryn – ınklıýzııa, medısına, bilim, mádenıet jáne sport baǵyttaryn qamtyp, 1 mıllıonnan astam azamattyń ómirine oń ózgeris ákeldi. Bul degenimiz kómekke muqtaj adamdardyń ómir sapasynyń artýy, balalardyń sapaly bilim men sportqa qol jetkizýi, erekshe jandardyń qoǵamǵa beıimdelýi. Sonymen qatar qor jobalarynyń nátıjesinde 600-ge jýyq adam turaqty jumyspen qamtyldy.
«Samuryq-Qazyna» AQ basqarma tóraǵasy Nurlan Jaqypov qor strategııasynyń mańyzdy mindetteriniń biri retinde korporatıvtik áleýmettik jaýapkershilik uzaq merzimge josparlanyp, bastamalar óńirlerde júıeli, turaqty jumys isteý kerektigin atap ótken bolatyn. Bul baǵytta ótken jyly 12,5 mlrd teńgege 39 áleýmettik joba qoldaý tapty.
Qor elde 55 ońaltý ortalyǵyn ashyp, ınklıýzıvti kabınetterdiń modelin engizdi
2025 jyly qor elimizdegi ońaltý qyzmetin odan ári qoljetimdi etti. Almaty men Qyzylordada úsh jasqa deıingi balalarǵa arnalǵan erte aralasý ortalyqtary, al Túrkistan, Qaraǵandy, Aqtaýda aýtızmi bar balalarǵa arnalǵan ortalyqtar iske qosyldy. Jańa úlgidegi «Ainala» atty aralas úlgidegi ońaltý ortalyqtaryn ashý jobasy qolǵa alyndy. Osylaısha, qor kompanııalar toby atynan búginde ońaltý ortalyqtar sany 55-ke jetip, jyl saıyn 21 myńǵa tarta erekshe bala keshendi kómek alady.
«Samruk-Kazyna Trust» erekshe oqýshylardyń óz qatarlastarymen birge bilim alýy men damýyna jaǵdaı jasaýdy jalǵastyrdy. Astana qalasy, Aqmola jáne Atyraý oblystaryndaǵy mektepterde 17 ınklıýzııany qoldaý kabıneti ashyldy. Sońǵy eki jylda ınklıýzııa synyptarynyń sany 31-ge jetip, 2000 bala ınklıýzıvti bilimmen qamtyldy.
«Salamatty Qazaqstan» medısınalyq-quqyqtyq poıyzy 2025 jyly shalǵaı 123 eldi mekende bolyp, ondaǵy 100 myńnan astam aýyl turǵyny dárigerlerdiń qabyldaýynan ótip, zańgerlik, medıatıvtik keńes aldy. Olardyń 57 myńy – áıelder. Joba «Samruk-Kazyna Trust» qory, Qazaqstan Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa jáne Densaýlyq saqtaý mınıstrligimen seriktestikte iske asyrylyp jatyr.
18 sport kesheni 740 myń aýyl balasyna sport álemine jol ashty
О́ńirlerdegi sport ınfraqurylymy máselesi de nazardan tys qalǵan joq. Aqmola oblysynyń Qajymuqan aýylynda, Mańǵystaý oblysynyń Daýlet aýylynda, Batys Qazaqstan oblysynyń Jańaómir aýylynda sport nysandary paıdalanýǵa berildi. Mundaı keshender jergilikti balalar men jasóspirimderdiń bos ýaqytyn uıymdastyrýǵa múmkindik beredi. Qor málimetinshe, sońǵy bes jylda túrli nysandaǵy 18 sport kesheni salynǵan. Bul sportty 740 myń turǵynǵa qoljetimdi etti.
Qor qamqorlyǵyndaǵy 200-den asa bala bilim
granttaryna ıe boldy
Jumysshy mamandyqtarynyń jyly aıasynda Pavlodar men Shyǵys Qazaqstan oblystarynda «Samuryq úmiti» jobasy bastaldy. Maqsaty – balalar úıleriniń tárbıelenýshilerine mamandyqty sanaly tańdaýyna kómek berý. Búgingi kúni 100 balanyń 39-y jumysshy mamandyq boıynsha orta tehnıkalyq oqýǵa tústi. Olarǵa «Samuryq-Qazyna» qorynyń qyzmetkerleri tálimger retinde bekitilip, kásibı jáne tulǵalyq damýyna qoldaý kórsetip keledi. Bolashaqta «Samuryq-Qazyna» kompanııalar tobyna jumysqa qabyldanýyna múmkindikteri zor. Áleýmettik osal toptarǵa arnalǵan «Jarqyn bolashaq» jobasy aıasynda Mańǵystaý oblysynan 177 bala kolledjge oqý grantyn alyp, onyń 56-sy bıyl oqýdy támamdady. Jyl saıynǵy «Týǵan elge saıahat» jobasy kásiptik baǵdarlaý formatyna aýysyp, 400 bala elimizdiń 5 óńirinde tarıhı jáne óndiristik oryndardy aralady. Al «Exxon Mobil» kompanııasymen birlese iske asqan «Stem Hanym» jobasy Atyraý oblysyndaǵy 1 myń áıelge múmkindik ashty. STEM baǵytynda bilim alǵandardyń 300-i arnaıy sertıfıkattalǵan trener atandy.
Zaǵıp jandarǵa arnalǵan kitaphana men mádenı-áleýmettik oshaqtar
«Samuryq-Qazyna» qory eldiń mádenı-rýhanı damýyna turaqty qoldaý bildirip, tól ónerimiz ben tarıhymyzdy dáripteıtin jobalardy júzege asyryp keledi. Qordyń bastamasymen ashylǵan mádenı-áleýmettik oshaqtar – jas urpaqtyń rýhanı azyǵy men ulttyq sanany qalyptastyrýdyń altyn dińgegi. Byltyr Oralda kreatıvti hab, Qyzylordada jańa tarıhı-ólketaný mýzeıi ashyldy. Semeıde kórý qabileti tómen azamattarǵa arnalǵan kitaphana, Taraz jáne Shymkent qalasynda egde jastaǵylarǵa arnalǵan belsendi uzaq ómir súrý ortalyǵy jumysyn bastady. Bıyl Almatydaǵy Ábilhan Qasteev atyndaǵy ulttyq murajaıy aýqymdy jóndeýden ótip, ónersúıer qaýymǵa jańa beınede esigin aıqara ashty.
Ár teńgeniń esebi: qoǵam aldyndaǵy ashyqtyq pen jaýapkershilik
Qaıyrymdylyq – tek izgi is qana emes, halyq aldyndaǵy abyroıy joǵary, jaýapkershiligi zor is. Sondyqtan ár teńgege esep – qajettilik emes, mindet. 2025 jyly «Samruk-Kazyna Trust» jyl saıynǵy dástúrin jalǵastyryp, qaıyrymdylyq qyzmetiniń qorytyndylaryn Astanada ótken «Qaıyrymdylyq. Senim. Seriktestik» atty eseptik sharasynda tanystyrdy. «Samruk-Kazyna Trust» qorynyń bas dırektory Alfııa Adıevanyń aıtýynsha, árbir joba júıeli, seriktestikke negizdelgen, nátıjege baǵyttalǵan tııanaqty ister jıyntyǵy.
«Jyl ótken saıyn áleýmettik, mádenı jáne ınfraqurylymdyq qajettilik pen suranys artyp keledi. Osyǵan sáıkes eldiń naqty muqtajyna baǵyttalǵan jobalar sany da jyl saıyn kóbeıip otyr. Sońǵy 10 jyl ishinde 400-den astam áleýmettik mańyzy bar joba júzege asyrylyp, jańa nysandar paıdalanýǵa berildi. Sonyń nátıjesinde júzdegen jańa jumys oryny ashyldy. Tek bıyldyń ózinde 600-ge jýyq azamat turaqty jumyspen qamtyldy», – dep atap ótti Alfııa Adıeva.
2026 jyl – «Samruk-Kazyna Trust» qorynyń qurylǵanyna 10 jyl. Sondyqtan ıgi ister eselene túsip, el ıgiligine baǵyttalǵan áleýmettik jobalar aýqymy keńeıip, árbir otandasymyzdyń ómirine oń áser etetin nátıjelermen jalǵasyn tabady.
Nazerke Súleımenova
