Kollaj: Kazpravda.kz / Adılbek Taýekelov
- Jaqynda belgili alpınıst Anar Býrasheva Antarktıdadaǵy Vınson taýyna shyqty. Sóıtip, onyń esimi Ortalyq Azııa boıynsha ár qurlyqtaǵy eń bıik jeti shyńdy baǵyndyrǵan tuńǵysh áıel retinde tarıhta qaldy. Buǵan deıin Anar Everest (8818 metr, Azııa), Akonkagýa (6962 metr, Ońtústik Amerıka), Denalı (6194 metr, Soltústik Amerıka), Kılımandjaro (5895 metr, Afrıka), Elbrýs (5642 metr, Eýropa), Karstens Pıramıdasy (4884 metr, Aýstralııa) taýlarynyń ushar bıiginen shyqqan. Osy jospardy júzege asyrýǵa qazaqtyń qaısar qyzyna eki jyl ýaqyt qajet boldy.
- Úsh jyldan keıin elimizde taǵy bir zamanaýı fýtbol stadıony boı kóteredi. Naqtylap aıtsaq, bıyl Atyraýda 12 myń kórermenge eseptelgen sport nysanynyń qurylysy bastalady. Ony 2029 jyly aıaqtaý josparlanyp otyr. Sonymen qatar sol qalada ornalasqan «Munaıshy» stadıony jańǵyrtýdan ótip, múmkindigi 8 myń adamdy qabyldaýǵa deıin jetkiziledi.
- Jeńil atletıka federasııasynyń prezıdenti Olga Rypakova qyzmetinen ketti. Bul esim jankúıerlerge jaqsy tanys. Onyń qorjynynda Olımpıadanyń tolyq júlde jıyntyǵy – altyn da, kúmis te, qola da bar. Álem chempıonatynda úsh ret júldegerler qatarynan kórinip, jabyq ǵımarattaǵy álemdik dodada dara shyqty. Jazǵy Azııa oıyndarynda tórt márte mereıi ústem bolyp, Dúnıejúzilik Ýnıversıada, basqa da asa iri halyqaralyq jarystarda jeńis tuǵyrynyń eń bıik satysyna kóterildi. Mine, sol ataqty sportshy óz ornyn «QazMunaıGaz» ulttyq kompanııasy» AQ basqarma tóraǵasy Ashat Hasenovke bosatty. О́zi atalǵan federasııanyń qurmetti prezıdenti bolyp qalady.
