Ulttyq múddeni toǵystyrǵan alań

Qyzylordada ótken Ulttyq quryl­taıda keıbir sarapshylar aıtyp júrgendeı, máse­leler tek parlamenttik reforma aıasynda ǵana kóterilgen joq. Prezıdent Q.Toqaev bul joly da keń kózqarasymen, aýqymdy oılastyrylǵan baıandama jasady dep esepteımiz.

О́ıtkeni ondaǵy kóterilgen máseleler men taqyryptar mem­le­ke­timizdiń ishki, syrtqy saıa­saty­na, ekonomıkamyzdyń damýyna, áleýmettik máselelerge, jas­tardyń tárbıesine qatysty kóp­tegen mańyzdy jaıttardy qamtydy. Sonyń ishinde sybaılas jemqorlyqqa qarsy  kúres, «Zań men Tártip», Ádiletti Qazaqstan, «Taza Qazaqstan», Aral teńizin qut­qarý sııaqty ózekti másele­ler­diń negizgi baǵyttaryn ashyp kórsetti.

Quryltaıdaǵy basty jańa­lyq retinde Memleket bas­shy­synyń Qazaqstan Halyq keńesin qurý týraly sheshimi men konstıtýsııalyq reformaǵa qatysty ózgeristerdi aıtýǵa bolady. Jańa Parlamenttiń ataýy – «Quryltaı», onyń qura­myn­da 8 turaqty komıtettiń jáne depýtattardyń sany 145 bolýy, so­nymen qatar depýtattardyń ókilet­tikterinde ózgerister qaras­­­ty­rylýy, zań shyǵarýshy organ­nyń ju­mys tártibi men rásim­­de­ri­ne túze­týler engiziletini belgili boldy.

Prezıdent Qasym-Jomart Toqaev negizgi zańǵa túzetýler men ózgertýler engizý úshin Kons­tı­tý­sııalyq komıssııa qurý týraly sheshim qabyldaǵanyn, Komıs­sııa naqty ózgerister jobasyn daıyn­da­ǵannan keıin ǵana jalpy­ult­tyq referendým ótkizý merzimi anyq­ta­latynyn baıandady.

Memleket basshysy jańa Salyq kodeksiniń jurtshylyqty alań­datyp otyrǵan máselesin de qoz­ǵady. Ol Kodekske qatysty barlyq syndarly usynystardy zert­tep, túzetýler engizý múmkin­digin qarastyrýdy atap ótti.

Quryltaı otyrysynda Prezı­dent ınfraqurylym taqy­ry­byn qozǵady. Osyǵan oraı, saladaǵy atqarylyp jatqan is-sharalardyń aýqymdy­ly­ǵyn atap ótken jón bolar. Qazir mem­leketimizde iri ınfra­qury­lym­dyq jobalar júzege asyrylyp jatyr. Kólik-logıstıka salasynda naqty nátı­je­ler kórsetip jatqan bastamalar bar. Olar – elimizde buryn-sońdy bolmaǵan, memleketimiz úshin mańyz­dy ınfraqurylymdyq jobalar.

Infraqurylymdy damytý tek ekonomıkalyq kórsetkish­ter­men shektelmeıtini belgili. Memleketimizdiń geografııalyq qurylymyna, óńirlerimizdiń erek­shelikterine baılanys­ty at­qarylyp jatqan is-shara­lar­dyń aýqymy kózge kórin­beýi de múmkin. Biraq salany damy­týǵa, tranzıttik áleýetti nyǵaı­týǵa, logıstıkalyq úderis­terdi jetildirýge jáne kólik qyzmet­teriniń sapasyn arttyrýǵa baǵyt­­talǵan kóptegen ınfraqury­lym­dyq jobalar iske asyrylyp jat­qanyn aıtyp ótken jón.

Memleket basshysy barlyq reformalar memlekettik múdde­ler­diń basymdyǵy men halyq­tyń ál-aýqatyn eskere otyryp muqııat oılastyrylǵanyn, barlyq bastamalar eldi aýqymdy jań­ǵyrtýdyń uzaqmerzimdi biryńǵaı strategııasyna biriktir­genin atap ótti.

Sózin qorytyndylaı kele, Qasym-Jomart Kemeluly Qazaq­stan pre­zıdenttik respýblıka retinde tabysty damıtynyna, ózi usy­nyp otyrǵan reformalar elimizdiń damýyna qýatty serpin berip, onyń áleýetin kúsheı­te­tinine senimdi ekenin bildirdi.

Tájirıbe kórsetkendeı, bar­lyq saıası, ekonomıkalyq refor­malar elimizdiń turaqty damýy men memlekettik basqarýdyń tıimdi júıesin qalyptastyrýǵa, qoǵam­dy, halyqty biriktirýge jáne azamat­tar­dyń elimizdiń saıası ómirine belsendi aralasýyna berik negiz qalap keledi. Bul reformalarǵa qo­ǵam­d­a, óńirlerde ótken kezdesýlerde oń pikir qalyptasyp, qoldaý taýyp otyrǵanyn baıqaýǵa bolady.

Senat Prezıdenttiń saıası jáne ekonomıkalyq reformalaryn tolyqtaı qoldap, olardy zańnamalyq turǵydan rásimdeýge belsendi atsalysady. Atal­ǵan reformalardy iske asyrý baǵy­tyn­da bul úrdis jalǵasady dep senemin.

Álı BEKTAEV,

Senat depýtaty