Foto: edu.mcfr.kz
Qazir «pedagog-sheber» sanatyn alý úshin muǵalimder respýblıkalyq oqý-ádistemelik keńes usynǵan avtorlyq baǵdarlamalardy ázirlep, ony bilim berý úderisine engizýi tıis. Alaıda byltyr jyl sońynda Oqý-aǵartý mınıstrligi bul talaptyń tıimsiz ekenine nazar aýdaryp, Juldyz Súleımenova vedomstvo pedagogterdiń jumysyn baǵalaýdyń balama tásilderin engizýdi josparlap otyrǵanyn aıtqan.
Pedagog mártebesi týraly zańǵa ózgerister engiziledi
«Qazir jumys toby aýqymdy isti atqaryp, barlyq normatıvtik-quqyqtyq aktilerdi taldap jatyr. Osy oraıda biz attestasııa kezinde avtorlyq baǵdarlamalardan bas tartý máselesin kóterip otyrmyz. Sebebi olardyń bilim berý úderisin uıymdastyrýda qanshalyqty tıimdi ekenin, sondaı-aq ázirlengen avtorlyq baǵdarlamalardyń naqty qanshasy qoldanylyp jatqanyn kórip otyrǵan joqpyz», dedi Juldyz Súleımenova.
Mınıstr bul máselege qatysty ustanymy naqty ekenin atap ótip, avtorlyq baǵdarlamalardy ázirleý talaby kelesi oqý jylynyń basyna deıin alynyp tastalatynyn habarlady.
Elimizde pedagogterdiń quqyǵyn buzý faktileri úsh ese azaıdy
«Bizge endi basqa tásildi engizý qajet. Iаǵnı muǵalim óziniń jumysyn, oqý úderisin qalaı tıimdi uıymdastyryp otyrǵanyn, oqýshylarmen qalaı jumys isteıtinin kórsete alatyn tásil kerek. Bul baǵyttaǵy jumysty qazir pysyqtap jatyrmyz», dedi Oqý-aǵartý mınıstri.
Juldyz Súleımenova buǵan deıin de pedagogterdi attestattaý qaǵıdalary qaıta qaralatynyn málimdegen.
