Parlament Májilisiniń Áleýmettik-mádenı damý komıtetiniń otyrysynda Qazaqstan Respýblıkasynyń Eńbek jáne halyqty áleýmettik qorǵaý mınıstri laýazymyna Ertaev Asqarbek Maratulynyń kandıdatýrasy kelisildi.
Bul másele «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýsııalyq zańnyń 22-1-babyna sáıkes qaraldy.
Budan soń, Aqordanyń resmı saıtynda Asqarbek Ertaevty Eńbek jáne halyqty áleýmettik qorǵaý mınıstri qyzmetine taǵaıyndaý týraly Jarlyq shyqty.
«Memleket basshysynyń Jarlyǵymen Asqarbek Maratuly Ertaev Qazaqstan Respýblıkasynyń Eńbek jáne halyqty áleýmettik qorǵaý mınıstri bolyp taǵaıyndaldy», delingen habarlamada.
Eske salaıyq, buǵan deıin bul qyzmetti Svetlana Jaqypova atqarǵan edi.
