Germanııada múlikterdi qaq bólgen azamattyń áreketi ótirik bolyp shyqty

ASTANA. 25 maýsym. Ajyrasqannan keıin múlkin ekige bólgen nemistiń oqıǵasy ótirik bolyp shyqty. Bul týraly tengrinews.kz habarlady. Osyǵan deıin erli-zaıyptylardyń ajyrasqannan keıin kúıeýi barlyq múlikti ekige bólip, ózine tıesili bóligin eBay ınternet-aýksıonyndaǵy paraqshasyna satylymǵa qoıǵany, al qalǵan bóligin burynǵy ǵashyǵyna joldaǵanyn. BBC habarlaǵan bolatyn. Alaıda, eldi eleń etkizgen oqıǵa oıdan shyǵarylǵany anyqtaldy. Shyn máninde júregi jaralanǵan jigittiń avtomobıldi, telefondy, tósek ornyn jáne taǵy da basqa zattardy qaq bólip jatqan sáti kórsetilgen vıdeorolık nemis advokattar assosıasııasy úshin arnaıy túsirilgen. «Mundaǵy ıdeıa - Germanııada ǵana emes, sonymen qatar barlyq elde ýshyǵyp turǵan máselege ázilmen nazar aýdartý. Kóptegen jup ajyrasýda qajetti sharalardy qabyldamaıdy. Sondyqtan ajyrasqandardyń jaǵdaıy durys jolmen sheshilmeıdi», – delingen Deutsche Anwaltauskunft saıtynda jarııalanǵan habarlamada. BBC taratqan málimette múlkin qaq bólgen nemistiń oqıǵasyn AQSh-tyń Mashable jáne Fox News bedeldi aqparat quraldary, Reseıdiń RT telearnasy jáne Irannyń Press TV sııaqty iri aqparat quraldary habarlaǵan. Al «Laýraǵa» degen atpen YouTube resýrsyna shyqqan vıdeo 6 mıllıonnan astam ret kórilgen. Talǵat Raıymbek. Derek, sýret: tengrinews.kz.