Qoǵam • 28 Qańtar, 2026

Abaı aýdanynda janar-jaǵarmaı beketi ashyldy

40 ret

kórsetildi

1 mın

oqý úshin

Oblys ákiminiń bastamasymen júzege asyrylyp jatqan «Týǵan jerge týyńdy tik» ınvestısııalyq jobasy aıasynda Abaı aýdanyna ınvestısııa tartylyp, oblystyq mańyzy bar «Qaraýyl – Semeı» avtojoly boıynda jańa janar-jaǵarmaı beketi paıdalanýǵa berildi, dep habarlaıdy Egemen.kz.

Baqytbek QADYR

Abaı aýdanynda janar-jaǵarmaı beketi ashyldy

Jalpy aýmaǵy 2 500 sharshy metrdi quraıtyn nysannyń quny – 350 mıllıon teńge. Beket zamanaýı jabdyqtalǵan 6 kolonkamen qamtylǵan. Bir mezgilde 12 kólikke benzın jáne dızel otynyn quıýǵa múmkindigi bar. Sonymen qatar, jolaýshylarǵa arnalǵan shaǵyn market te qarastyrylǵan. Qazirgi tańda kompanııanyń elimiz boıynsha 43 saýda núktesi jumys isteıdi. Abaı aýdanynda ashylǵan jańa bekette 10 adam turaqty jumyspen qamtyldy.

Nysannyń saltanatty ashylý rásimine aýdan ákimi Meıirjan Smaǵulov qatysyp, jobanyń Abaı aýdanynda júzege asýyna qoldaý bildirgen «LUKOIL Lýbrıkants Ortalyq Azııa» JShS bas dırektorynyń kommersııalyq máseleler jónindegi orynbasary Jeıhýn Musaoǵyly jáne «GAS&MUNAI» JShS dırektory Serik Amangeldiulyna alǵys bildirdi.

Joba aýdan turǵyndary men jolaýshylarǵa qolaıly jaǵdaı jasap, óńirdiń áleýmettik-ekonomıkalyq damýyna oń áserin tıgizbek.