Keshen tarıhı tulǵanyń ómiri men erligin zamanaýı formatta kórsetýge arnalǵan mýzeılendirilgen keńistik retinde jobalanǵan.
Raıymbek batyrǵa arnalǵan eskertkish tarıhı tulǵanyń beınesin zamanaýı sáýlet stılinde kórsetip,onyń erligin jáne batyrlyq dástúrin dáripteıdi.
Al ondaǵy ekspozısııalyq zaldardan batyrdyń ómir joly, jaýyngerlik erlikteri jáne tarıhı dáýirin sıpattaıtyn ınteraktıvti kórmeler oryn almaq. Qonaqtar mýltımedııalyq beıneler, 3D-modelder jáne tarıhı rekonstrýksııa arqyly batyrdyń ómirine kóz jetkize alady.
Taǵy bir bólim bilim berý men mádenı keńistik retinde oılastyrylǵan.
Sondaı-aq vırtýaldy jáne mýltımedııalyq jobalarda kelýshiler VR-týrlar arqyly tarıhı shaıqastarǵa qatysa alady, vırtýaldy kórmeler jáne ınteraktıvti prezentasııa arqyly Qazaqstannyń mádenı murasyn zertteı alady.
Memorıaldyq keshenniń negizgi maqsaty – óńir tarıhyn, qazaq halqynyń mádenı jáne rýhanı murasyn halyqqa qoljetimdi, qyzyqty jáne bilimdi formatta usyný. Keshen týrıster men qala turǵyndaryna rýhanı taǵylym berip, Almatyny elimizdiń mádenı jáne tarıhı týrızminiń ortalyǵyna aınaldyrýǵa atsalysady.
Sonymen qatar, Almaty qalasynda «Observatorium» mýzeıi ashylady. Aýmaǵy 130 sharshy metr bolatyn bul mýzeı ǵylymdy, astronomııany jáne zamanaýı tehnologııany nasıhattaýǵa baǵyttalǵan. Munda kelýshiler ǵarysh pen astronomııalyq qubylystardy zertteýge arnalǵan ınteraktıvti ekspozısııalarmen tanysý múmkindigine ıe bolmaq.
Bul eki jańa mádenı jáne ǵylymı oryn Almaty qalasyn týrıstik emes, sonymen qatar bilim men ǵylym ortalyǵy retinde tanymal etýge zor múmkindik beredi. Mýzeıdiń qorytyndy bóligi dep teleskop arqyly juldyzdy aspan men ǵalamsharlardy tikeleı baqylaýǵa bolatyn tiri baqylaý keńistigin aıtýǵa bolady. Bul aımaq adam men sheksiz Ǵalam arasyndaǵy fılosofııalyq baılanysty sezinýge múmkindik bermek.
«Observatorium» mýzeıinde jasandy ıntellekt tehnologııasyn engizý, sonyń ishinde «Ǵalam boıynsha VR-saıahat» ınteraktıvti jobasyn iske qosý jáne robot-ekskýrsovodty engizý josparlanǵan.
«Raıymbek batyr kesenesi men Observatorium mýzeıi – bul týrıstik nysandar ǵana emes, olar tól tarıhymyzdy, mádenıetimizdi jáne ǵylymdaǵy jetistikterimizdi keleshek urpaqqa jetkizýdiń jańa tásili. Kelýshiler osy jerden rýhanı jáne ıntellektýaldy tájirıbe alady», deıdi Almaty qalasy Mádenıet basqarmasynyń basshysy Danııar Álıev.
