ASTANA. 25 maýsym. Qazaqstan Respýblıkasy Premer-mınıstriniń orynbasary Berdibek Saparbaev Aqmola oblysyndaǵy «uıqy aýrýymen» jurtshylyqqa keńinen tanys Kalachı aýylynda boldy. Bul týraly «QazAqparat» habarlady.
Sapar barysynda vıse-premer Esil aýdanyndaǵy Kalachı eldi mekeniniń turǵyndarymen kezdesti. Kezdesýde áleýeti tómen, keleshegi joq eldi mekenniń halqyn oblystyń ózge óńirlerine kóshirý máselesin talqylady.
«Búgin men arnaıy Elbasynyń tapsyrmasymen halyqtyń jaǵdaıyn bilýge Kalachı aýylyna keldim. Qazirgi tańda ǵalymdar úshin Kalachı halqyn dúrliktirip otyrǵan derttiń naqty sebebin ashyp aıtý múmkin emes. Sondyqtan, munda Chehııa elinen, Máskeý jáne Orta Azııadan kelgen ǵalymdar jumys istep jatyr. Jaqynda Elbasynyń tóraǵalyǵymen qaýipsizdik keńesi ótip, onda osy Kalachıdegi «uıqy aýrýy» sóz boldy. Sondaı-aq, Úkimetke naqty tapsyrmalar berildi. Qazirgi kezde halyqty qaýipsiz jerlerge kóshirý mańyzdy bolyp otyr», – dedi Berdibek Saparbaev.
Halyq arasynda «Uıqyly aýyl» atanyp ketken Kalachı men Krasnogorsk eldi mekenderinen barlyǵy 65 otbasy kóshirilgen eken. Olardyń deni balaly otbasylar. Osy oraıda, oblys ákimi eń aldymen balalar men Krasnogorsk turǵyndaryna basymdyq berilip otyrǵandyǵyn alǵa tartty. Sondaı-aq, eshkimniń de kúshtep kóshirilmeıtinin eskertti.
О́z sózinde oblys ákimi Sergeı Kýlagın: «Qazirgi kezde basty mindetim mundaǵy balalardyń alańdamaı bilim alyp, jaqsy ómir súrýine jaǵdaı jasaý. Sondyqtan birinshi kezekte balaly otbasylardy kóshiremiz. Sondaı-aq, ózge de kóshýge nıetti turǵyndar bolsa, olarǵa Esil men kórshi Derjavınsk qalalarynan páter beretin bolamyz. Al, kóshpeı osynda qalǵysy keletinderdiń erki biledi. Eshkimdi de kúshtep kóshirmeımiz. Tek múmkindikti jiberip almańyzdar degim keledi. О́ıtkeni, Krasnogorski men Kalachı aýyldarynyń keleshegi joq», – dedi.
О́z kezeginde turǵyndar kóshirilgen kezde, jumysqa ornalasý jáne jańa páterlerin jekeshelendirý máselesin aıtyp shaǵymdandy. Osy oraıda, vıse-premer kóshirilgen adamdardyń barlyǵy jumyspen qamtylatynyn jáne olardyń jaǵdaıy odan ári ákimdik baqylaýynda bolatynyn túsindirip berdi. Tipti, mundaǵy jaǵdaıdyń tikeleı Elbasynyń baqylaýynda eken atap ótti. Al, jekeshelendirý máselesi zań aıasynda sheshiletinin jetkizdi.
Budan keıin Berdibek Saparbaev Krasnogorsk jáne Kalachı turǵyndary úshin Esil qalasynda salynyp jatqan 73 jáne 45 páterli turǵyn úıdiń qurylysymen tanysty. Sondaı-aq, Esil agrotehnıkalyq kolledjinde bolyp, oqý zerthanalary, sheberhanalarymen tanysyp, stýdentterdiń ǵylymı-tehnıkalyq jobalarynyń kórmesin tamashalady.
Talǵat Raıymbek.
Derek, sýret: «QazAqparat».
