QOSTANAI. 25 aqpan. Qostanaı oblysy tótenshe jaǵdaılar departamenti qyzmetkerleri «Úıde jalǵyz qalý: páter qaýip qaınar-kózi» taqyrybyna ınteraktıvti sabaq ótkizdi. Sabaqta M. Gorkıı atyndaǵy gımnazııanyń 5-6 synyptarynyń oqýshylary qatysty. On-laın júıesinde ótken bul s abaqty oblysta 50 mekteptiń oqýshylary qarady. Bul týraly egemen.kz tilshisi habarlady.
«О́z úıim – óleń tósegim» deıdi qazaq. Biraq turmysta qazirgi zamanǵy elektr qurylǵylaryn, gaz plıtalaryn, qurylǵylar men jylytý júıelerin paıdalaný kezinde ǵımarattyń tehnıkalyq qaýipsizdigin bilmese, adamnyń óz úıi ózine baqytsyzdyq ákeleri ábden yqtımal. Turmysta órt qaýipsizdik erejesi men úıde (páterde) gazdan abaı bolý jóninde departamenttiń basqarmasy bas mamany, órtke qarsy qyzmet maıory Sársenbaı Hasenov balalarǵa aıtyp ótti.
Podezd esiginen páterge deıin, shyǵý jolynda keleńsiz jaǵdaı týyndasa tanymaıtyn adamdy keziktirseńiz ózindi-ózi qalaı ustaý kerektigi týraly Qostanaı qalasyndaǵy TJ basqarmasynyń ınjeneri, órtke qarsy qyzmet aǵa leıtenanty Ashat Badenov oqýshylarǵa áńgimelep berdi.
Apattyq medısına ortalyǵynyń dárigeri Aıgúl Bazarova gazben ýlaný kezinde ne isteý keriktigin túsindirdi. Sabaqqa qatysýshylarǵa taqyryptyń barlyǵyn ekran arqyly beıneli baıandaldy. «Chat» formaty boıynsha kelip túsken suraqtarǵa jan-jaqty jaýap berildi. Sabaq qorytyndysy boıynsha balalarǵa «Bizdiń mindet – sizdiń ómirlerińizdi qutqarý!» beınematerıal kórsetildi.
Interaktıvti sabaqtyń mindeti balalardyń ottan abaı bolýyn, tótenshe jaǵdaı týyndaǵan jaǵdaıda ózin durys ustaý jáne turmystyq quraldardy qaýipsiz qoldanýyn úıretý bolatyn.
Názıra Járimbetova.
Derek, sýret: egemen.kz.
