QOSTANAI. 25 aqpan. Qostanaı oblysynda kóktemgi sý tasqynynyń aldyn alýǵa daıyndyq jumystary bastaldy. Oǵan oblys bıýdjetinen arnaıy qarjy bólinip otyr. Bul týraly egemen.kz tilshisi habarlady.
Oblystaǵy tótenshe jaǵdaılar departamenti bastyǵy órtke qarsy qyzmet polkovnıgi Talǵat Kákimov búgingi jaǵdaıǵa sholý jasady. Bıyl sý tasqyny 12 myń sharshy shaqyrymnan astamdy quraıdy degen boljam bar. Ol jerlerde 600 myń turǵyny bar 1.471 turǵyn úıl, 35 avtokólik joldarynyń ýchaskileri, 17 elektrmen qamtamasyz etý jelileri ornalasqan. Sý basý qaýipi bar aýdandarda 52 kóshirý beketi, 48 bilim nysandary, úsh qonaq úı, bir mádenıet úıi daıarlandy.
Talǵat Kákimov: «Oblysta sý tasqynyna baılanysty qalyptasatyn tótenshe jaǵdaılar úshin 27 mln. teńge qajy qarastyrylǵan. Sondaı-aq oblys aýmaǵynda sý tasqyny jaǵdaıyn áýeden tekserý júrgizýge 9 mln. 892 myń teńge qarjy bólindi. Ushaq úshin kelisim shartqa otyrdyq» dedi.
Aǵymdaǵy jyly Taran aýdanyndaǵy Taran jáne Maıskıı aýyldaryna jaqyn Aıat kólinde, Áýlıekól aýdany Kóktal aýylyndaǵy Terekti kólinde muz jarý josparlanǵan. Kólderdiń muzdy kepteýlerin qopsytý úshin jarylys jumystaryna oblys bıýdjetinen 9 mln. 321,2 teńge bólinedi.
Sý tasqynynyń aldyn alý úshin 36 myń sharshy metr muz aýmaǵy jarylady. Qalalar men aýdandar ákimdiginen qosymsha ótinishter kelip túsken jaǵdaıda tıisti aýdandarda jarylys júrgizý jumystary uıymdastyrylady. Árıne, mundaı jaǵdaıda jarylatyn muz aýmaǵy úlkeıe túsedi.
Názıra Járimbetova.
Derek, sýret: egemen.kz.
