Urpaq bilimdi bolsyn desek...

2013 jyldyń maýsym aıynda elimizde bilim alýdyń qoljetimdiligin qamtamasyz etý maqsatyndaǵy halyqqa qoldaý kórsetýdiń jańa baǵdarlamasy – Memlekettik bilim berý jınaqtaý júıesi iske qosyldy. Atalmysh júıe elimizde ǵana emes, sondaı-aq, shetelde bilim alý úshin de qarajat jınaqtaýǵa múmkindik beredi. Júıe iske qosylǵan birinshi jyldyń qorytyndysy ádette mundaı jaǵdaıda bolatyn oryndy qorqynysh pen senimsizdikke qaramastan, halyqtyń osyndaı jınaqtaý­larǵa úlken qyzyǵýshylyǵy baryn kórsetti. Bul jaǵdaıda salymshylardy qyzyq­tyratyn basty suraq – salymnyń saqtalýy jáne kepildik máselesi. О́kinishke qaraı, bul ómirde eshkim eshnársege júz paıy­z ke­pildik bere almaıdy. Tipti, joldyń arǵy be­tine ótýdiń ózi qaýipti, áıtse de biz mu­ny kúndelikti jasaımyz. Bul kúndelikti qar­balas ómirdiń talaptary. Osy rette, zańmen salymdy saqtaýdyń birneshe amaldary qarastyrylǵan. Atap aıtsaq, depozıttiń bul túri 10 mln. teń­gege deıingi somada Jeke tulǵalardyń depozıtterin kepildendirý qorymen saq­tandyrylǵan. Sondaı-aq, ınflıasııa deńgeıi joǵary bolsa, nemese ekonomıkada basqa da ózgerister oryn alǵan jaǵdaıda bank syıaqysy men memleket syıaqysynyń mólsherlemelerin ósý jaǵyna qaraı qaıta qaraý múmkindigi zańmen kózdelgen. Jalpy, halyq bolashaqta bilim alýǵa jos­parly túrde aqsha jınaqtaý ıdeıasyn óte jaqsy qabyldady. Osylaı deýge búginde 11 myńǵa jýyq salymshylardyń sany negiz bola alady. Qazirdiń ózinde elimizdiń kóptegen turǵyn­dary mundaı depozıtti ashý úshin óte az qujat qajet etiletindigin biledi. Eger óz atyńyzǵa bilim berý jınaqtaý shotyn ashqyńyz kelse, onda qolyńyzda jeke basyńyzdy kýálandyratyn qujatyńyz bolsa jetkilikti. Al eger shotty balanyń atyna ashatyn bolsańyz, onyń týý týraly kýáligi men JSN qajet. Bul depozıtti jas ereksheligine qaramastan, Qazaqstannyń kez kelgen azamaty asha alsa da, halyq arasynda ol «balalardyń bilim alýyna arnalǵan shot (salym)» retinde keń tanymal. Sondyqtan da, óz balalarynyń bolashaǵyn óte erte jas­tan josparlaıtyn ata-analar tarapynan oǵan degen qyzyǵýshylyq joǵary. Qajetti qarajatty jınaqtaý úshin otbasylyq bıýdjetke úlken aýyrtpalyq túsirmeıtin belgili bir somany salymǵa salyp otyrý kerek. О́zińdi nemese perzentińdi joǵary bilimmen qamtamasyz etý úshin otbasyńa aýyr júk túsirmesten, bilim berý jınaqtaý salymyn resimdeý arqyly memlekettiń kómegimen qarajat jınaqtaýǵa bolady. Ol úshin qatysýshy bankke baryp, menedjerden keńes alasyz. Ol sizge qajetti somany ózińizge yńǵaıly mólsherde, tez ári tıimdi jınaqtaýdyń amaldaryn eseptep, túsindiredi. Jalpy, bolashaqqa jaqsy nıetpen, úmitpen qaraǵan árbir azamat qazirden-aq óziniń jáne óz balalarynyń laıyqty bilim alýyn qamtamasyz ete alady, sondyqtan muny abyroıly mansapqa, tabysqa jáne qoǵam tarapynan qurmetke jetýdiń kepili retinde qaraýǵa ábden bolady. Sharıman Rıad SÁLIMULY, «Qarjy ortalyǵy» AQ vıse-prezıdenti. ASTANA.