ASTANA. 26 maýsym. Reseıdiń Sochı qalasyn sý basty. Qara teńizden soqqan sıklonnyń saldarynan qalada tasqyn sel boldy. Soǵan baılanysty aeroport, temir jol jáne qala kósheleri sý astynda qaldy. Nátıjesinde ushaq pen poıyzdardyń qozǵalysy toqtady. Qazirgi kezde qala turǵyndaryn qaýipsiz jerge kóshirý jumystary qarqyndy júrgizilýde. Bul týraly vesti.ru habarlady.
Tasqynnyń qarqyny Sochıdiń Adler, Hostınsk, Kýdepsta jáne ortalyq aýdandarynda asa qatty. Sel jolyndaǵy barlyq zatty aǵyzyp alyp ketýde. Olardyń arsynda avtomobılder de bar. Atalǵan aýdandarda qazir tótenshe jaǵdaı rejimi engizildi. Reseıdiń Tótenshe jaǵdaılar mınıstrligi turǵyndarǵa jeke kólikterimen jolǵa shyqpaýdy eskertti.
Apat saldarynan jaryq pen gaz jetkizý qyzmeti toqtady. Úılerin sý basqan turǵyndar ekinshi qabatta túnep shyǵýǵa májbúr. О́zge aımaqtardan qutqarý qyzmetteri kómekke kelýde. Mamandar tótenshe jaǵdaıdyń áli saqtalatynyn jáne teńiz quıyny bolýy múmkin ekenin aıtýda.
Elaman Qońyr.
Derek: vesti.ru.
Sýret: 1news.az.
