Mańǵystaý oblystyq perınataldyq ortalyǵynda Beıneý aýdanynyń turǵyny úsh uldy ómirge ákeldi. Muqaǵalı, Shámshi, Tólegen esimdi úshem týyldy. Bir jarym aı dárigerlerdiń baqylaýynda bolyp, jaǵdaılary túzelgen soń «úsh batyr» týǵan úılerine jol tartty.
Aýylda Bolatbaı esimdi aǵamyz bar. Kitap oqyǵanda anaý-mynaý oqymystyńdy jańyldyrmaq túgili jolda qaldyratynyna kúmánim joq. Áke taıaǵyn ustap, keńshardyń bir otar qoıyn shyrq úıirgen aǵamyzdyń qysta tonynyń qoınynan, jazda jeıdesiniń qaltasynan kitaby túspeıtini anyq – alys dala tósinde otardy shalqaıta jaıyp turyp qansha kitaptyń ishine súńgip shyqqanynyń sanyn ózi de bilmes, sirá! Kitapty kóp oqıtyndyǵy sonshalyqty, kúndelikti sóıleý máneri de kitaptyń kórkem tiline aınalyp ketken, al «bálenshe jazǵan bálenshe degen kitaptyń báleninshi betinde bylaı deıdi ǵoı» degende, tańdanysyńyzdy jasyra almaısyz. Dúnıe esigin ashqan úshemniń biri «qazaq valsiniń koroli» atanǵan Shámshiniń, qalǵan ekeýi HH ǵasyrdaǵy qazaq halqynyń, qazaq ádebıetiniń úzeńgi qaǵystyra júrip jyr tógiltken aıtýly qos aqyny – Muqaǵalı men Tólegenniń esimderin ıelendi degendi estigende, ol aýyldaǵy Bolatbaı aǵamnyń sheshimi bolar dep topshyladym. Mańǵystaýda bıylǵy jylǵy alǵashqy úshem ǵana emes, alǵashqy egizder bolyp tabylatyn olardan buryn otaý ıesi bolar 13 jasqa kelgen ul bala ósip jatqan otbasynyń ıesi, kitapqumar Bolatbaıdyń kishi inisi 44 jastaǵy Sáken – Mańǵystaýdyń «Sam» keńsharynda uzaq jyl shopan bolǵan Izdibaı aqsaqal men «Batyr ana» Jibek marqumdardyń kenje uly. Al Sákenniń jary Balkúmis 40 jasynda otbasyna birden torsyq shekeli úsh ul syılaý baqytyna ıe boldy.
Mańǵystaý oblystyq perınataldyq ortalyǵynyń dırektory Jamal Jamanbaevanyń aıtýynsha, anasy men sábılerdiń densaýlyǵyna saı ota arqyly bosandyrylǵan. Eń kishkentaıynyń salmaǵy 1 kg 800 gramdy quraǵan sábılerdi bir aıdan astam ýaqyt dárigerler óz qadaǵalaýlarynda ustap, jaǵdaılary qalypqa kelgen soń úılerine shyǵaryp salǵan.
Qatarǵa «at ustar» kelse, qýanbaıtyn qazaq joq. Qazaqtyń sany birden úsh azamatqa kóbeıip jatsa, bul búkil eldiń qýanyshy. Sondyqtan, Mańǵystaýdyń alys aýdanyndaǵy Sam qumynyń óskinderi – Muqaǵalı men Tólegenge, Shámshige myqty densaýlyq tileımiz. Attaryna saı aıtýly azamattar bolyp ósip-jetilýine tilekshimiz. Al qazirgideı kitap oqý qurdymǵa ketip, ulttyq bolmysymyzdan uzańqyrap ketken kezde kitapty janyna serik etip, qazaqtyń uly tulǵalaryn qurmet tutqan aýyldaǵy aǵaıynǵa qalaı rıza bolmassyń?!
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
Aýylda Bolatbaı esimdi aǵamyz bar. Kitap oqyǵanda anaý-mynaý oqymystyńdy jańyldyrmaq túgili jolda qaldyratynyna kúmánim joq. Áke taıaǵyn ustap, keńshardyń bir otar qoıyn shyrq úıirgen aǵamyzdyń qysta tonynyń qoınynan, jazda jeıdesiniń qaltasynan kitaby túspeıtini anyq – alys dala tósinde otardy shalqaıta jaıyp turyp qansha kitaptyń ishine súńgip shyqqanynyń sanyn ózi de bilmes, sirá! Kitapty kóp oqıtyndyǵy sonshalyqty, kúndelikti sóıleý máneri de kitaptyń kórkem tiline aınalyp ketken, al «bálenshe jazǵan bálenshe degen kitaptyń báleninshi betinde bylaı deıdi ǵoı» degende, tańdanysyńyzdy jasyra almaısyz. Dúnıe esigin ashqan úshemniń biri «qazaq valsiniń koroli» atanǵan Shámshiniń, qalǵan ekeýi HH ǵasyrdaǵy qazaq halqynyń, qazaq ádebıetiniń úzeńgi qaǵystyra júrip jyr tógiltken aıtýly qos aqyny – Muqaǵalı men Tólegenniń esimderin ıelendi degendi estigende, ol aýyldaǵy Bolatbaı aǵamnyń sheshimi bolar dep topshyladym. Mańǵystaýda bıylǵy jylǵy alǵashqy úshem ǵana emes, alǵashqy egizder bolyp tabylatyn olardan buryn otaý ıesi bolar 13 jasqa kelgen ul bala ósip jatqan otbasynyń ıesi, kitapqumar Bolatbaıdyń kishi inisi 44 jastaǵy Sáken – Mańǵystaýdyń «Sam» keńsharynda uzaq jyl shopan bolǵan Izdibaı aqsaqal men «Batyr ana» Jibek marqumdardyń kenje uly. Al Sákenniń jary Balkúmis 40 jasynda otbasyna birden torsyq shekeli úsh ul syılaý baqytyna ıe boldy.
Mańǵystaý oblystyq perınataldyq ortalyǵynyń dırektory Jamal Jamanbaevanyń aıtýynsha, anasy men sábılerdiń densaýlyǵyna saı ota arqyly bosandyrylǵan. Eń kishkentaıynyń salmaǵy 1 kg 800 gramdy quraǵan sábılerdi bir aıdan astam ýaqyt dárigerler óz qadaǵalaýlarynda ustap, jaǵdaılary qalypqa kelgen soń úılerine shyǵaryp salǵan.
Qatarǵa «at ustar» kelse, qýanbaıtyn qazaq joq. Qazaqtyń sany birden úsh azamatqa kóbeıip jatsa, bul búkil eldiń qýanyshy. Sondyqtan, Mańǵystaýdyń alys aýdanyndaǵy Sam qumynyń óskinderi – Muqaǵalı men Tólegenge, Shámshige myqty densaýlyq tileımiz. Attaryna saı aıtýly azamattar bolyp ósip-jetilýine tilekshimiz. Al qazirgideı kitap oqý qurdymǵa ketip, ulttyq bolmysymyzdan uzańqyrap ketken kezde kitapty janyna serik etip, qazaqtyń uly tulǵalaryn qurmet tutqan aýyldaǵy aǵaıynǵa qalaı rıza bolmassyń?!
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
