Jumyspen qamtýdaǵy tıimdi ádister

Dýaldy júıe  maman daıarlaýda óndiris, bilim alýshynyń jáne memlekettiń múddelerin biriktirýge baǵyttalǵan kásiptik bilim berýdiń bir túri ekendigi belgili.  Bilim alýshy jastar úshin  ómirdegi óz ornyn erte tabýǵa múmkindik jasaıtyn, bolashaqqa jol siltep, baǵyt-baǵdar beretin ońtaıly baǵdarlama. Osynyń aıasynda, atqarylyp jatqan ister jaıynda qulaqtandyrylǵan baspasóz máslıhaty bolyp ótti.  Jıynda  Bilim jáne ǵylym vıse-mınıstri Esenǵazy Imanǵalıev, Ulttyq kásipkerler palatasy basqarma tóraǵasynyń orynbasary Nurjan Áltaev, «О́rleý» BAUO» AQ dırektorlar keńesiniń tóraǵasy Murat Ábenov jáne halyqaralyq sarapshy Metıý Anderson boldy. Birinshi sóz alǵan E.Imanǵalıev «Barshańyzǵa belgili,  2012 jyldyń aqpan aıynda Elbasy Germanııaǵa saparynda «Keıin oqytýdyń dýaldy júıesin» engizý týraly tapsyrma bergen bolatyn.  Sondyqtan 2014 jylǵy Joldaýynda  2-3 jyldyń arasynda tehnıkalyq jáne kásiptik bilimdi ulttyq dýaldy júıe qurý tapsyrmasy bolǵan», dedi.  Byltyr Ulttyq kásipkerler palatasymen birigip, Densaýlyq saqtaý jáne áleýmettik damý mınıstrligimen memorandýmǵa qol qoıyldy. Sol jumystar júıeli nátıje berip jatyr deýge bolady, deı kele,  osynyń aıasynda 3225 kásiporyn 280 kolledjben áriptestik shartqa qol qoıǵandyǵyn habarlady. Elbasynyń tapsyrmasy boıynsha jumyspen qamtý máselesi nazarda ekendigin tilge tıek ete otyryp, vıse-mınıstr dýaldy tehnologııalardy qoldanyp, qazirgi tańda jastar 100 paıyz jumyspen qamtylyp otyr, dep habarlady. Sonymen qatar, ol 2015 jylǵa qoıyp otyrǵan maqsattardyń biri – kásipkerler jalpy  2776 grant bólip jatyr deı kele,  1712 árbir balanyń basyna shaqqanda dıfferensıaldy túrde stıpendııa bólip jatyr, dedi. Osy tusta, vıse-mınıstr   2000 memorandým men sharttarǵa qol qoıylý ústinde ekenin aıtyp ótti. M.Ábenov ótken jyly Bilim jáne ǵylym mınıstrligi Ulttyq kásipkerler palatasy qoldaýymen ortaq «Serpin» degen baǵdarlamany bastaǵan bolatynbyz, deı kele, kadrlar tapshylyǵyna baılanysty oralymdy oıyn jetkizdi. Qarap otyrsaq, keı óńirlerde kadr jetispeýshiligi baıqalsa, al keı jerlerde artyqtyǵy kórinis taýyp otyr. Osyǵan baılanysty jastar arasynda qandaı mamandyqtar jetispeıtindigin naqtylap alý úshin bizge Ulttyq palata aqparat berip otyrady. Al keıingi kezekte osy másele boıynsha kadr daıarlaý jumysyna kirisemiz, dedi M.Ábenov. Elmıra MÁTIBAEVA, «Egemen Qazaqstan».