«Kaýstık» AQ zaýytynda hlormen ýlaný «qaýpi» joıyldy

PAVLODAR. 26 maýsym. Zaýyt aýmaǵynda oblystyq tótenshe jaǵdaılar departamentiniń ókilderi jáne BAQ ókilderi birlesken tosyn apatqa qarsy jattyǵý sharasyn ótkizildi.  Bul týraly egemen.kz tilshisi habarlady. Sharasy barysynda oryn alýy múmkin apatty «boldyrmaý maqsatynda» kásiporynnyń gaz-qutqarý qyzmeti, órt apatty-qutqarý bólimi men medısınalyq qyzmetinen turatyn apatty-qutqarý bólimsheleri men qyzmetkerleri birlese áreket etti. Apatty joıýdyń qoldanystaǵy josparyna sáıkes, suıyq hlordy saqtaýǵa arnalǵan qosyndy ydyraǵan jaǵdaıda atqarylýy tıis sharalar júzege asyryldy. Al, jalpy, zaýytta qutqarý bólimsheleriniń jattyǵý sharalary ótedi. «Kaýstık» AQ Basqarma Tóraǵasynyń orynbasary A. Pojogınniń aıtýynsha, kásiporynda oqý ortalyǵy jumys jasaıdy. «Kaýstık» AQ hlor-silti óndirisin óndirýdiń membranalyq tehnologııasy arqyly iske asyrylady. Bul tehnologııa joǵary energo tıimdiligi men qaýipsizdigimen qatar, ekologııalyq qaýipsizdigimen de erekshelenedi. Tetikter men jumys mehanızmderin qashyqtyqtan baqylaýǵa múmkindik beretin, «Siemens» fırmasy shyǵarǵan basqarý júıeleri qoldanylady.  Mysaly, jýyrda bolǵan apatty-qutqarý qyzmeti qoldanystaǵy zamanaýı tehnologııalar avtomatty rejımde óndiristi toqtatyp, 200 kg kólemindegi hlordyń taralýyna jol bermedi. Saraptamalyq taldaýlar jumys aýmaǵynyń aýasy men atmosferalyq aýa qabatynda hlor konsentrasııasynyń shekti normadan asyp túspegenin kórsetti.  Qazir zaýytta óndiristik jáne ekologııalyq qaýipsizdikti arttyrý maqsatyndaǵy sharalar júzege asyrylýda.  Oblys ortalyǵyndaǵy «Kaýstık» AQ jobalyq qýaty – jylyna 30 myń tonna kaýstıkalyq soda, 6,6 myń tonna natrıı gıpohlorıti, 26,4 myń tonna hlor jáne 45 myń tonna tuz qyshqylyn óndire alady. Farıda Byqaı. Derek, sýret: egemen.kz