Erteń Elbasy Expo Milano-2015 kórmesine barady

ASTANA. 26 maýsym. Erteń, 27 maýsymda Italııanyń Mılan qalasynda ótip jatqan Expo Milano-2015 kórmesinde Qazaqstannyń ulttyq kúni atap ótiledi. Bul týraly «Astana EKSPO-2017» ulttyq kompanııasynyń baspasóz qyzmetine silteme jasaǵan «QazAqparat» habarlady. Sharaǵa Memleket basshysy Nursultan Nazarbaev qatysady. Sapary aıasynda Italııa men Qazaqstannyń memleket basshylary men bıznes-toptarynyń kezdesýleri ótedi dep kútilýde. Prezıdent Qazaqstannyń pavılonynda Italııanyń premer-mınıstrimen kezdesedi, sonan soń qazaqstandyq-ıtalıandyq bıznes-forým ótedi. Munda jalpy somasy 500 mln. dollardy quraıtyn shamamen 20 kelisimge qol qoıý josparlanǵan. Ulttyq kúndi ótkizý – óz memleketińdi álemge tanystyrýǵa, onyń tarıhy men dástúrleri týraly aıtýǵa sátti múmkindik. Qazaqstan 2005 jyldan beri Dúnıejúzilik kórmege qatysyp keledi. Biraq bıyl memlekettiń pavılony erekshe orynǵa ıe bolyp otyr. EXPO Milano-2015 kórmesinde Qazaqstan pavılonynyń alǵashqy eki aıda týrıster men kórme qonaqtarynyń erekshe qyzyǵýshylyǵyn týdyrdy. «Factsand Fiction» nemis kompanııasymen qurylǵan bizdiń pavılon «Qazaqstan – múmkindikter memleketi» taqyrybymen tanystyryldy. Italııanyń BAQ derekteri boıynsha bizdiń pavılon týrsıt eń kóp keletin úzdik bestikke kiredi. Munda bir jolǵy ótkizý múmkindigi 80 adam. Al kúndelikti kelýshilerdiń sany shamamen 4 500 adamǵa jetedi. EXPO Milano-2015 dúnıejúzilik kórmesinde GAZZETTA DI PARMA kúndelikti gazeti Qazaqstannyń pavılonyn «kórýge turarlyq ondyqtyń» qataryna qosty. Munymen qosa, belgili Reppublica basylymy arqyly uıymdastyrylǵan daýys berý nátıjesi boıynsha Qazaqstannyń pavılony búgingi kúni Kolýmbııadan keıin ekinshi orynǵa ıe bolyp otyr. Kórme jumysy bastalǵannan beri Qazaqstannyń pavılonyn Monako hanzadasy, Qytaı premer-mınıstri, Germanııa men Vengrııanyń ekonomıka mınıstrleri jáne London qalasy meri ákimi kelip tamashalady. Ulttyq pavılon eki maqsatty kózdeıdi – óz memleketin laıyqty túrde tanystyrý, dúnıejúzilik jármeńkeniń basty kórnekti ornyna aınalý jáne Astana qalasynda EKSPO-2017 kórmesinde qonaqtarǵa tańǵajaıyp shoý usynylatynyn kórsetý. Aýdany 3 000 sharshy metrdi quraıtyn eki qabatty ǵımarat «Eginshilik», «Mal sharýashylyǵy», «Qazaqstan týraly qyzyqty faktiler», «Qazaqstannyń akvamádenıeti», «Qazaqstannyń ekologııasy» jáne «Bolashaq aýyl sharýashylyǵy» sııaqty taqyryptarmen birneshe ekspozısııalyq aımaqtarǵa bólingen. Pavılonǵa kelýshiler tabıǵı jáne aýyl sharýashylyǵy resýrstaryn qorǵaý taqyrybymen, Qazaqstannyń mádenıetimen jáne memleket kózdegen turaqty damý ıdeıalarynyń qaǵıdattarymen tanysady. Osy jyldyń 1 mamyrynda ashylǵan Mılandaǵy kórme 31 qazanǵa deıin jalǵasady. Elaman Qońyr. Derek, sýret: «QazAqparat».