Qazaqstan Respýblıkasy Investısııalar jáne damý mınıstrliginiń buıryǵy  №215

2015 jylǵy 27 aqpan, Astana qalasy Jer qoınaýyn memlekettik geologııalyq zertteýge kelisimshart (shart) jasasý qaǵıdalaryn bekitý týraly «Jer qoınaýy jáne jer qoınaýyn paıdalaný týraly» 2010 jylǵy 29 maýsymdaǵy Qazaqstan Respýblıkasy Zańynyń 20-baby 32-3) tarmaqshasyna sáıkes buıyramyn: 1. Qosa berilip otyrǵan Jer qoınaýyn memlekettik geologııalyq zertteýge kelisimshart (shart) jasasý qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Geologııa jáne jer qoınaýyn paıdalaný komıteti (B.Q. Nurabaev): 1) zańnamada bekitilgen tártippen osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2 tarmaǵynyń 1), 2), jáne 3) tarmaqshalarynda kózdelgen is-sharalardyń oryndalýy týraly málimetterdiń usynylýyn qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Investısııalar jáne damý vıse-mınıstri A.P. Raýǵa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV. «KELISILGEN» Qazaqstan Respýblıkasynyń Ulttyq ekonomıka mınıstri ______________ E. Dosaev 2015 jylǵy 14 naýryz «KELISILGEN» Qazaqstan Respýblıkasynyń Ulttyq ekonomıka mınıstri ______________ V. Shkolnık 2015 jylǵy 20 naýryz Qazaqstan Respýblıkasy Investısııalar jáne damý mınıstriniń 2015 jylǵy 27 aqpandaǵy №215 buıryǵymen bekitilgen Jer qoınaýyn memlekettik geologııalyq zertteýge kelisimshart (shart) jasasý qaǵıdalary 1. Jalpy erejeler 1. Osy Jer qoınaýyn memlekettik geologııalyq zertteýge kelisimshart (shart) jasasý qaǵıdalary (budan ári - Qaǵıdalar) «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasynyń Zańyna sáıkes ázirlendi jáne jer qoınaýyn memlekettik geologııalyq zertteý jónindegi operasııalardy júrgizýge arnalǵan kelisimshartty (sharty) (budan ári – kelisimshart) jasasý tártibin anyqtaıdy. 2. Kelisimshart óz qarajaty esebinen jer qoınaýyn memlekettik geologııalyq zertteýdi júrgizý nıeti bar zańdy nemese jeke tulǵa (budan ári - О́tinish berýshi) jáne jer qoınaýyn zertteý jáne paıdalaný jónindegi ýákiletti organ (budan ári - Ýákiletti organ) arasynda jasalynady. 3. Bıýdjettik qarajat esebinen qarjylandyrylatyn jer qoınaýyn memlekettik geologııalyq zertteýge kelisimshart (shart) jasasý tártibi «Memlekettik satyp alý týraly» 2007 jylǵy 21 shildedegi Qazaqstan Respýblıkasynyń Zańyna sáıkes júzege asyrylady. 2. Jer qoınaýyn memlekettik geologııalyq zertteýge kelisimshart (shart) jasasý tártibi 4. Kelisimshart (shart) jasasý úshin mynadaı qujattardy qosa bere otyryp, ýákiletti organǵa osy buıryqtyń qosymshasyna sáıkes nysan boıynsha ótinim beredi: 1) zańdy tulǵalar úshin; zańdy tulǵa retinde memlekettik tirkelýi týraly qujattardyń kóshirmesi; 2) jeke tulǵalar úshin; ótinish berýshiniń jeke basyn kýálandyratyn, memlekettik kirister organdarynda jeke kásipker retinde esepke qoıý týraly qujattardyń kóshirmeleri; 5. Ýákiletti organ ótinimdi túsken kúnnen bastap on jumys kún ishinde kelisimshart jasasýǵa arnalǵan ótinimdi qarastyrady. 6. Ýákiletti organ osy qaǵıdalardyń 5 tarmaǵynda belgilengen merzimde mynadaı jaǵdaılarda kelisimshart jasasýdan bas tartady: 1) ótinish berýshi tolyq emes qujattar paketin usynǵanda; 2) ótinish berýshi anyq emes málimetter usynǵanda; 3) eger málimdelgen aýdan «Erekshe qorǵalatyn tabıǵı aýmaqtar týraly» 2006 jylǵy 7 shildedegi Qazaqstan Respýblıkasynyń Zańynda 23 - baby 3 tarmaǵyna kózdelgen jaǵdaılarda kelisimshart aýmaǵyna nemese aıryqsha qorǵalatyn tabıǵı jerge jatatyn bolsa. 7. Ýákiletti organǵa suratylatyn aýmaqqa bir ýaqytta eki nemese odan da kóp ótinim kelip túsken jaǵdaıda kelisimshart jasasýǵa ótinimdi birinshi bergen ótinish berýshimen jasalady. 8. Osy Qaǵıdalardyń 6-tarmaǵynda belgilengen, kelisimsharty jasaýdan bas tartý úshin negiz bolmaǵan jaǵdaıda ýákiletti organ osy Qaǵıdalardyń 5-tarmaǵynda belgilengen merzimde, memlekettik geologııalyq zertteý salasyndaǵy jobalaý qujattamasyn usyný merzimin kórsete otyryp, ótinish berýshige kelisim shart jasasý múmkindigi týraly habarlama jiberedi. Jobalaý qujattamasynda jumys túrleri, kólemi jáne osy jumystardy oryndaýǵa ótinish berýshi bóletin, jyldar boıynsha bólingen aqshalaı qarajat somasy týraly málimet bolýy tıis. 9. Kelisimshart (shart) jasaý múmkindigi týraly habarlama alǵan kúnnen bastap úsh aı ishinde ótinish berýshi kelisimshart (shart) jasaý úshin ýákiletti organǵa jobalaý qujattamasyn usynady. Jobalaý qujattamasyn usyný merzimin ýákiletti organ ótinish berýshiniń jazbasha ótinishi boıynsha, biraq ýákiletti organnyń habarlamasynda kórsetilgen merzim ótkenge deıin keminde on jumys kúni ishinde ótinish berýshi usynys jasaǵan jaǵdaıda keminde úsh aıdan aspaıtyn merzimge uzartady. 10. Eger ýákiletti organ belgilegen merzimde ótinish berýshi jobalaý qujattamasyn usynbasa, ýákiletti organ (aýmaqtyq bólimshe) on jumys kúnnin ishinde jobalaý qujattamasyn usyný kezen ótkende ótinish berýshige kelisimshart (shart) jasasýdan dáleldi bas tartý jiberedi. 11. Ýákiletti organ jobalaý qujattamasyn jáne jumys baǵdarlamasyn alǵan kúnnen bastap on jumys kúninen keshiktirmeı kelisimshart jobasyna qol qoıady jáne ótinish berýshige jiberedi. Kelisimshart jobasyna ótinish berýshi qol qoıýy jáne oǵan qol qoıylǵan kelisimshart jobasy usynylǵan kúnnen bastap on jumys kúni ishinde ýákiletti organǵa usyný tıis. 12. Kelisimshart jasalǵannan keıin ótinish berýshi jobalaý jáne ózge de qujattamany kelisýdi, sondaı-aq jer qoınaýyn paıdalanýǵa qajetti operasııalardy júrgizýge ruqsattardy derbes alýdy qamtamasyz etedi. Jer qoınaýyn memlekettik geologııalyq zertteýge kelisimshart (shart) jasasý qaǵıdalaryna qosymsha Nysan Kimge:______________________________ (memlekettik organnyń ataýy) kimnen:______________________________ (ótinim berýshi) Jer qoınaýyn memlekettik geologııalyq zertteýge kelisimshart (shart) jasasýǵa О́TINIM 1. Kelisimsharttyń máni men maqsaty: (alańnyń ataýyn, onyń ornalasqan jerin kórsetý) jer qoınaýyn memlekettik geologııalyq zertteý sheńberinde (paıdaly qazba túrin kórsetý) arnalǵan (jumystar túrin kórsetý - izdeý/izdeý-baǵalaý) júrgizý. 2. Jumystardy júrgizý merzimi, suralatyn aýmaqtyń keńistik shekarasy, aýmaqtyń aýdany: ____________________________________________________________________ ____________________________________________________________________ Buryshtyq núktelerdiń № Geografııalyq koordınatalary Soltústik endigi Shyǵys boılyǵy gradýs mınýt sekýnd gradýs mınýt sekýnd 1 2 3 4 … 3. Zańdy tulǵalar úshin: ótinish berýshiniń ataýy, onyń ornalasqan jeri: ______________________________________________________________ __________________________________________________________________________ ótinish berýshi zańdy tulǵa jáne basshylary týraly málimetter: _______________________________________________________________ 4. Jeke tulǵalar úshin: ótinish berýshiniń tegi jáne aty, zańdy mekenjaıy, azamattyǵy: ____________________________________________________________________ О́tinish berýshiniń tegi, aty, ákesiniń aty jáne qoly 20 jyl «____»_____________ Buıryq Qazaqstan Respýblıkasynyń Ádilet mınıstrliginde 2015 jylǵy 30 sáýirde Normatıvtik quqyqtyq kesimderdi memlekettik tirkeýdiń tizilimine №10920 bolyp engizildi.