Tirkeýde joq turǵyn

ómirde bar ekenin dáleldeı almaı júr Aqtóbeniń 29 jastaǵy turǵyny, eki balanyń anasy Aıymgúl Kó­sherbaeva eshbir jerde tirkeýde joq. Tipti onyń qolynda ómirge kelgenin rastaıtyn qujaty da bolmaǵan. Sondyqtan ol búginde óziniń ómirde bar adam ekenin dáleldeı almaı júr. Sońǵy úsh jylda kelinshektiń barmaǵan jeri, baspaǵan taýy qalmady. Sotqa da shaǵymdanyp kórdi. Alaıda, ol jerde DNK saraptamasynan ótý kerek­tigi aıtylǵan. Al mundaı sarapta­manyń quny 150 myń teńge turady. Bala kútimi boıynsha dema­lysta otyrǵan ana úshin bul qomaq­ty qarjy. Degenmen, tek osy saraptama qorytyndysynan keıin ǵana ol elimizdiń azamaty ekenin dáleldeı alady. О́ziniń ómirde bar adam ekenine ózgelerdiń kózin jetkizý úshin ádilet basqarmasy men «Nur Otan» partııa­syna da barǵan. Biraq Aıymgúldiń týǵany týraly eshbir jerde tirkel­megendikten, atalǵan mekemeler de kómek bere almaı otyr. Kezinde qoı baqqan ata-anasy ortalyqtan alys turǵyndyqtan, balanyń qujattaryn rásimdemegen. Endi 1986 jyly ketken sol qate­likten qyzdary zardap shegýde. Qujatsyz azamatsha óz taǵ­dyryn balalary qaıtalaı ma dep qorqady. Sebebi, balalarynyń týý týraly kýáligin jasatý úshin de analarynyń qujaty qajet. Aıymgúl, tipti, on jyl otasqan  jol­dasymen de zańdy nekege tura almaı keledi. Elaman QOŃYR, «Egemen Qazaqstan».