Áıgili kompozıtor qurmetine

Astana qalasynda ústimizdegi jyldyń 29 naýryzy men 1 sáýiri aralyǵynda Nurǵısa Tilendıev atyndaǵy «О́z elim» atty IV mýzykalyq festıval ótedi. Áıgili kúıshi, dáýlesker dombyrashy, kompozıtor, dırıjer,  Qazaq KSR jáne KSRO halyq ártisi, Halyq Qaharmany Nurǵısa Tilendıev – qazaqtyń ulttyq óneri men mádenıetine óshpes iz qaldyrǵan qaıratker. Bıylǵy jyly 1 sáýirde áıgili kompozıtordyń týǵanyna 90 jyl tolady. Osyǵan baılanysty egemen elimizdiń mádenı ómirinde eleýli oqıǵalar ótkizilmek. Osy keshendi sharalardyń bet­ashary retinde elordada 29 naýryz – 1 sáýir aralyǵynda Nurǵısa Tilendıev atyndaǵy «О́z elim» atty dástúrli festıval ótedi. Oǵan Qazaqstannyń barlyq óńirlerinen jáne Reseıden kásibı oryndaýshylar, dombyrashylar jáne dırıjerler qatysady. 16-35 jas aralyǵyndaǵy talantty óner sańlaqtary qatysatyn baıqaý klassıkalyq vokal (erler men áıelder), dombyra jáne dırıjerler saıysy dep bólinetin 3 atalym boıynsha eki aınalymda, «Shabyt» jáne Kongress-holl saraılarynda ótkiziledi. Festıvalǵa qatysýshylar Astana qala­sy ákiminiń Kýbogyn sarapqa salady.  Sonymen birge, jarys jeńimpazyna gran-prı jáne ekinshi, úshinshi oryndardy alǵan júldegerlerge «Festıval laýreaty» ataqtary beriledi. Aıtýly mýzyka merekesi 1 sáýir kúni Kongress-holl saraıynda ótetin gala-konsertke ulasady. Oǵan Bıbigúl Tólegenova, Altynbek Qorazbaev, Nurǵalı Núsipjanov jáne basqa óner sańlaqtary qatysady. «Egemen-aqparat».