Elin súıgen, eli súıgen Elbasy

 Bul oıdy barsha qazaqstandyqtar qýattaıdy

Keshe Astanadaǵy S.Seıfýllın atyndaǵy Qazaq agrotehnıkalyq ýnıversıtetinde «Elin súıgen, eli súıgen – Elbasy» atty patrıottyq teatrlandyrylǵan flesh-mob ótti. Shara barysynda QazATÝ-dyń stýdentteri ústimizdegi jyldyń 26 sáýiri kúni ótetin Qazaqstan Respýblıkasy Prezıdentiniń kezekten tys saılaýyna jastardy belsendi atsalysýǵa shaqyrǵan úndeý jarııalady. Oqý ornynda uıymdastyrylǵan keń aý­qymdy sharaǵa Qazaqstan halqy As­sam­bleıasy Tóraǵasynyń orynbasary Ana­­tolıı Bashmakov, «Nur Otan» par­tııa­­synyń hatshysy Farhad Qýan­ǵanov, S.Seıfýllın atyndaǵy Qazaq agro­tehnıkalyq ýnıversıtetiniń rektory Aqylbek Kúrishbaev, Parlament Májilisiniń depýtaty Baqytbek Smaǵul, Astana qalasy ákiminiń orynbasary Ermek Amanshaev, t.b. qatysty. Aqylbek KÚRIShBAEV, QazATÝ rektory: – Búgin bizdiń stýdentterimiz elimizdegi eń basty saıası oqıǵa – kezekten tys prezıdenttik saılaýǵa qatysty ózderiniń azamattyq belsendilikterin kórsetti. Bizdiń jastarymyz qoǵamymyzdaǵy oń ózgeristerdiń barlyǵy Elbasy Nursultan Nazarbaevtyń atymen tikeleı baılanys­ty ekenin jaqsy túsinedi. Memleket bas­shysynyń sarabdal da salıqaly saıasatynyń arqasynda elimizde jeke adamnyń úılesimdi damýyna, jastardyń ıntellektýaldyq áleýetiniń tolyqtaı ashylýyna barlyq jaǵdaı jasalǵan. Joǵary bilim berý salasynda da túbegeıli ózgerister júrdi. Máselen, bizdiń ýnıversıtetimiz úsh jyl ishinde álemdegi jetekshi ýnıversıtetter reıtıngindegi TOP-700-diń qataryna endi. Sóıtip, ǵylymı-zertteý JOO atandy. Ǵylymdy qarjylandyrý sońǵy úsh jylda segiz esege ulǵaıdy. Osylaısha, jas oqytýshylarymyz ben stýdentterimiz bizdiń qabyrǵamyzda júrip-aq salmaqty ǵylymı-zertteýlermen aınalysyp, ınnovasııalyq jobalar jasaýǵa múmkindik aldy. Bizdiń barlyǵymyz Prezıdentpen birge «Qazaqstan-2050» Strategııasynda bel­gilengen kórsetkishterge qol jetkizetinimizge senimdimin. О́ıtkeni, búginde elimizde jo­ǵary bilikti jas kadrlar men óz eliniń shynaıy patrıottary ósip keledi. Maqsat ESMAǴULOV, QazATÝ-dyń 4-kýrs stýdenti: – Men bolashaq jas maman ınjener retinde elimizde joǵary bilim alý úshin barlyq jaǵdaı jasalǵanyn erekshe atap kórsetkim keledi. Biz árdaıym memlekettiń qoldaýyn aıqyn sezinýdemiz. Elbasy Nursultan Nazarbaevtyń dana da salmaqty saıasatynyń nátıjesinde elimiz kún ótken saıyn damý ústinde. Sondyqtan óz basym Tuńǵysh Prezıdentimiz júrgizip kele jatqan saıasattyń jalǵastyrylǵanyn qalaımyn. Elimizdiń jedel damýy men qa­zaq­standyqtardyń ál-aýqatynyń artýyna baılanysty men Qazaqstan jastaryn 26 sáýir kúni ótetin kezekten tys prezıdenttik saılaýdy jan-jaqty qoldaýǵa shaqyramyn. Eger menen qazir Qazaqstan prezı­denttigine kandıdattar qatarynan kimdi kór­gińiz kelgen bolar edi dep surasa, men oılanbastan-aq elimizdi ári qaraı da Pre­zıdent Nursultan Nazarbaevtyń basqar­ǵanyn qalaıtynymdy aıtar edim. О́ıt­keni, Elbasynyń dana saıasatynyń nátı­je­sinde elimiz álemdegi turaqsyz ahýal­darǵa qaramastan, óziniń birqalypty damý baǵytynan aınyǵan emes. Múmkindikti paıdalanyp, Elbasy Nur­sultan Nazarbaevtan aldaǵy prezı­dent­tik saılaýǵa túsý úshin óziniń kandıdatýrasyn ilgeriletýdi ótiner edim. О́ıt­ke­ni, men ózimniń bolashaǵym men elimniń bo­lashaǵyn Tuńǵysh Prezıdent Nursultan Na­zarbaevtyń qolyna tolyq senimmen tapsyra alamyn. Sáýlebek BIRJAN. Sýretti túsirgen Erlan OMAROV.

* Jedelsóz – bedelsóz

Bekbolat MUQYShEV, «Ardagerler uıymy» respýb­lıkalyq qoǵamdyq birlestigi tóraǵasynyń orynbasary: – Búginde álemde qarjy-ekonomıkalyq daǵdarystyń jańa tolqyny kórinis berýde, geosaıası shıelenister asqyna túsýde, qarama-qaıshylyqtar men qaýip-qaterler ýshyqqan jańa aımaqtar paıda bolýda. Osyndaı halyqaralyq jaǵdaıda Qazaqstan burynǵysynan da berik, yntymaqtastyǵy bekem bolýy qajet. Prezıdenttik saılaýdyń qoǵamnyń barlyq taraptaryn biriktirip, nyǵaıtyp, «Nurly Jol» baǵdarlamasy nyq adymdap alǵa bastaıtyndyǵyna senimdimiz. Osy jerde atap kórsetetin bir jaıt bar. Ol – El­basy Nursultan Nazarbaevtyń 26 sáýirge belgilengen prezıdenttik saılaýǵa óziniń kandıdatýrasyn usyný máselesi. Bul – barsha qazaqstandyqtardyń kókeıindegi másele. Baqytjan ERTAEV, Parlament Májilisiniń depýtaty, Halyq Qaharmany: – Qazirgi tańda Qazaq eli beı­bitshilikte ómir súrip jatyr. El qorǵany – Qarýly Kúshterimizdiń zaman talabyna saı áskerı tehnıkamen jaraqtandyrylǵany da kóńilge úlken medeý. Búginde halqymyz elimen maqtansa, búkil sarbazdary men sardarlary Otan aldyndaǵy jaýapkershiligin jaqsy sezinedi jáne olar týǵan Otandaryn qorǵaýǵa daıyn ekendikterin árkez isterimen dáleldep te júr. Qazirgi kezde qazaqstandyqtardyń oıyn bir ǵana másele mazalasa kerek. Ol – Elbasynyń óz kandıdatýrasyn prezıdenttikke usynýy. Prezıdent halyq qalaýyna túsinistikpen qaraıdy dep úmittenemiz. Sondyqtan barsha qazaqstandyqtardy 2015 jylǵy 26 sáýir kúni ótetin prezıdenttik saılaýǵa bir kisideı qatysýǵa shaqyramyz. Baqytbek SMAǴUL, Parlament Májilisiniń depýtaty: – Bizder, Aýǵan soǵysy arda­gerleri uıymdarynyń, Qa­zaqstan ardagerleri qaýym­das­ty­ǵynyń ókilderi Nursultan Ábish­uly Nazarbaevtyń pre­zı­denttik saılaý ótkizý týraly she­shimin tolyq qoldaımyz já­ne Memleket basshysyn qoldap qana qoı­maı, prezıdenttikke kandıdat retinde tir­kel­genin qa­laı­myz. Qazaqstandyqtardy elimizdiń bolashaǵy jolynda tarıhı tańdaý jasaıtyn shaq kútip tur. О́z basym muny bekerge aıtyp otyrǵanym joq. Elbasy prezıdenttikten úmitker retinde saılaýǵa túsedi dep úmittenemin. Bul bizdiń kúrdeli kezeńde qoǵamdy toptastyrýǵa septigin tıgizip qana qoımaı, «Nurly Jol» baǵdarlamasyn, basqa da josparlardy tabysty júzege asyrýǵa alǵyshart jasaıtyny anyq. Abylaı MYRZAHMETOV: Qazaqstan ulttyq kásipkerler palatasynyń basqarma tóraǵasy: – Ulttyq kásipkerler palatasy Memleket basshysy Nursultan Nazarbaevtyń elimizde kezekten tys prezıdenttik saılaýdy osy jyly ótkizý týraly sheshimin tolyǵymen qoldaǵan bolatyn. Endi Prezıdent saılaý ótetin kúndi de taǵaıyndap berip otyr. Osy oraıda, Qazaqstan kásipkerleri, basqa da otandastarymyz sekildi, prezıdenttik saılaýǵa Elbasy da óziniń kandıdatýrasyn usynǵanyn qalaıdy. Osy arada bir atap kórseterim, qazaqstandyq kásipkerler ár ýaqytta elimizdiń turaqtylyǵyn, sonyń ishinde ekonomıkasynyń qarqyndy damýyn, shaǵyn jáne orta bıznestiń keń qanat jaıýyn qoldap keldi jáne ári qaraı da qoldaı bermek. Elbasynyń júrgizip kele jatqan sarabdal saıasatynyń nátıjesinde Otanymyzdyń aldaǵy ýaqyttarda da alǵan baǵytynan aýytqymaı, tek nyq qadammen ilgeri jyljı beretini kúmánsiz. Nurlan ERIMBETOV, Qazaqstan azamattyq Alıan­synyń prezıdenti: – Elbasynyń Úndeýin úlken qýanyshpen qabyldadym. Jasyratyny joq, kútken úndeýim edi, úmitim aqtaldy. Baıqaǵanym, meniń dostarym, aǵaıyn-týystarym, ózim jetekshilik etetin azamattyq qoǵamnyń belsendileri – bári-bári osy úndeýdi qoldady. Sebebi, qazir kóp jerde daǵdarystar, qaqtyǵystar oryn alyp jatyr. Bizge qazir turaqtylyq kerek. Aldymyzda turǵan úlken josparlarymyzdy aıaǵyna deıin jetkizýimiz qajet. Al munyń elimizge Prezıdent Nursultan Nazar­baev basshylyq jasaǵan jaǵdaıda ǵana júzege asýy yqtımal ekeni aıtpasa da túsinikti. Sondyqtan azamattyq qoǵamnyń ókilderi de, barsha qazaqstandyqtar sekildi, Nursultan Ábishulynyń ústimizdegi jyldyń 26 sáýirine belgilengen prezıdenttik saılaýǵa qatysqanyn qalaıdy.