PARLAMENT

Jaıylymdyq alqapty tıimdi paıdalaný – mal sharýashylyǵyn damytýdyń basty baǵyttarynyń biri Naryqtyq jaǵdaıda mal sharýa­shylyǵy salasyn damytý úshin, birinshi kezekte, jemshóp qoryn turaqty jolǵa qoıyp jáne ony nyǵaıtýdy negizge ala otyryp, mal sharýashylyǵyn ınten­sıvti ádispen júrgizýge qolaıly jaǵdaı jasaý qajet. Bul baǵytta jaıylymdyq alqaptardy utymdy paıdalaný joldaryn naqtylap, maldy neǵurlym ózindik quny tó­men, ári joǵary sapadaǵy jem­shóp­pen qamtamasyz etý kerek. Son­daı-aq, eń bastysy – maldyń paıda­ly zattarǵa baı, jeńil sińiri­letin tabıǵı jaıylymdarǵa qol jetki­zýdiń amaldaryn ǵylymı turǵydan jáne zań sheńberinde retteletin jaǵdaıda qalyptastyrý qajet. О́kinishke qaraı, bizderdiń tıimdi paıdalanbaı jáne jańasha damytpaı otyrǵanymyz – tabıǵattyń bizge bergen baılyǵy, tarıhı synaqtan ótken dástúrli mal sharýashylyǵy salasy. Is júzinde, qolda bar 188 mıllıon gektar jaıylymdyq alqaptyń 43 paıyzy nemese 80 mıllıon gektary mal jaıýǵa qoldanylyp otyr, bul jerlerdiń kóbi aýyl mańyna jaqyn ornalasqan, al keıbir jaıylymdyq jerler belgisiz sebeptermen tıimsiz paıdalanylýda. Negizinde, tórt túlik maldyń basym kópshiligi aýyl mańyna jaqyn aýmaqtarda ustalady jáne bul jerlerdiń basym bóligi is júzinde búlingen ári tozǵan. Sebebi, 20 mıllıonnan astam mal basy, onyń ishinde halyqtyń jeke aýlasyndaǵy jáne sharýa (fermerlik) qojalyqtarynyń menshigindegi maldar osy jerde jaıylady, tıisinshe, bul aımaqtaǵy maldyń tyǵyzdyǵy qoldanystaǵy normatıvten birneshe ese joǵary. Kerisinshe, sharýashylyqtardy jekeshelendirý kezinde aýyldan shalǵaı jatqan jaıylymdar AQ-tardyń, JShS-lerdiń menshigine ótip ketse, olar qazirgi kezde ne ózderi mal sharýashylyǵymen aınalyspaıdy, al malmen aınalysatyn sharýashylyqtar men qosalqy sharýashylyqtarǵa paıdalanýǵa shekteý qoıyp keledi. Nege deseńizder, mundaı kedergiler zań sheńberinde naqty rettelmegendikten qalyptasyp otyr. Osyǵan baılanysty keıbir aımaqtarda jaıylym jetis­peýshiliginiń kúrdelenip bara jatqanyn kórip júrmiz. Al elimiz boıynsha, joǵaryda aıtqandaı, jaıylymnyń jartysynan kóbi paıdalanylmaı jatyr. Munyń bári jaıylymdyq resýrstardy paıdalaný men bólýge, olardy basqarýǵa qatysty zań­na­malyq normalardyń jetil­diril­megendiginen, sondaı-aq, qoldanystaǵy quqyqtyq keder­gilerdiń saldarynan oryn alýda. Sondyqtan, jaıylymdyq resýrs­tardy utymdy jáne turaqty basqarý týraly máseleler búginde asa ózekti bolyp otyr. Bul týraly Elbasy óziniń «Qazaqstan-2050» Stra­tegııasynda otandyq mal sha­rýa­shylyǵyn burynnan qalyp­tas­qan tarıhı dástúrlerdi jáne jańa ǵylymı-tehnıkalyq basqa­rý­dy eskere otyra qaıta jandan­dy­rý kerek ekenin atap ótken bolatyn. Elimizde aýyl sharýashylyǵy aıasyndaǵy jer qatynastary, ne­gizinen Qazaqstan Respýb­lı­ka­synyń Jer kodeksimen jáne «Sharýa nemese fermer qoja­lyqtarynyń qyzmeti týraly» Zańmen retteledi. Degenmen, joǵa­ryda atalǵan normatıvtik-quqyq­tyq aktiler jaıylym resýrs­ta­ryn basqarý jáne utymdy paıda­laný salasynda týyndaıtyn keń aýqymdy máselelerdi jetki­lik­ti deńgeıde retteı almaıdy. Son­dyqtan jaıylymdyq alqapty quqyq­tyq retteýdiń shekteýligine baı­lanysty, aýyl turǵyndaryn ja­ıy­lymmen qamtamasyz etý bú­ginde ózekti problemaǵa aınalǵan. Osyǵan baılanysty jaıylym paıdalanýshylar men jaıylym menshikteriniń arasyndaǵy quqyqtyq qatynastardy retteý­di qarastyrý maqsatynda jeke jaıylym týraly zań qabyl­daý­dyń qajettigi týyndap otyr. Osy sebepti Parlament Máji­li­siniń Agrarlyq máseleler komı­tetiniń bir top depýtaty, mal sharýashylyǵy salasyn damytýdy nyǵaıtý jáne jaqsartý úshin, el tabıǵatynyń baılyǵyn tıimdi de utymdy paıdalanýdy retteıtin quqyqtyq aspektiler kórsetilgen jaıylym alqaptary týraly zań jobasyn ázirleýde. Eń birinshi, zań jobasynda buryn quqyqtyq alańda anyq­tal­maǵan jaıylym alqapta­ryn ret­teıtin ýákiletti organdy anyqtaý týraly norma Úkimetke júktelgen. Is júzinde asa úlken aýmaqtaǵy jaıylymdyq alqap­tar kerekti deńgeıde tolyq kóle­min­de rettelmegen jáne zań júzin­de basqarý júıesi jetildirilmegen bolatyn. Odan basqa, zań jobasynda ár óńirdiń tabıǵı jaǵdaılaryn eskere otyryp, olar ár deńgeıde bolǵandyqtan, óńirler boıynsha aýyl sharýashylyǵy maldaryn ustap-baǵýdyń shektegi normatıvterin bekitý quqyǵyn ýákiletti organnyń menshigine berý qarastyrylǵan. Mundaı normany engizýdiń nátıjesin­de aýyl mańyna jaqyn ornalas­qan jaıylymdyq jerlerge mal­dyń tyǵyzdyǵynan túsetin salmaq aıtarlyqtaı azaıady jáne jaıylymdyq jerlerdiń búlinýiniń, tozýynyń jáne nasharlap ketýiniń aldyn alýǵa bolady. Sondaı-aq, zań jobasynda jaıylymdy tıimdi paıdalanýǵa, jergilikti ózin ózi basqarýdyń quqyqtaryn keńeıtýge baǵyttalǵan túzetýler qarastyrylǵan, dálirek aıtqanda, tıisti óńirlerde jaıylymdy basqarǵan jáne bólgen kezderde tıimdi paıdalaný, aýyldyq eldi mekenderdiń, aýdandyq mańyzy bar qalalardyń shekaralaryna jaqyn ornalasqan jaıylymdyq jerlerdi anyqtaý, jaıylym paıdalanýshylarǵa jer bólý týraly usynystar daıyndaý, sondaı-aq, jaıylymdy paıdalaný men basqarý týraly jospardy daıyndaý kózdelgen. Bul normalar jaıylym paı­da­lanýshylar men jaıylym alqaptarynyń menshikteri ara­syn­daǵy jaıylymdyq ýchas­kelerdi bólisý kezindegi aýyl tur­ǵyndarynyń kókeıinde júrgen suraqtaryna qatysty atqarý­shy organdarǵa, neǵurlym demo­kratııalyq sheshimder qabyldaý úshin halyqtyń yqpal etýine jaǵ­daı týǵyzady. Al osy arada atap kórsetetin bir jaıt – búginge deıin barlyq jaıylym paıdalanýshylardyń, jaıylymdy bólý týraly problemalyq máseleleri aýyl turǵyndarynyń tikeleı qatysýynsyz sheshilip keldi. Naryq zamanynda ózińniń jeke sharýashylyǵyńdy jalǵyz damytý, tájirıbe kórsetip otyr­ǵanyndaı, búginde múmkin emes. Osy máseleni sheshý úshin zań jobasynda halyqtyń jeke aýla­synda, sharýa (fermer) qoja­lyqtarynda turǵan aýyl sharýa­shylyǵy maldaryn kooperasııalaý arqyly tıisti ákimshilik-aýmaq­tyq qurylym birligine jatatyn aýyl sharýashylyǵy maldary ıeleriniń múddesin qorǵaý maqsatynda jaıylym paıdalanýshylardy biriktirý normasy qarastyrylǵan. Zań júzinde elimizde basqa qorlarǵa aýysyp ketken jaıylymdyq jerler barshylyq. Olardyń ishinde 8,4 mıllıon gektar jaıylym orman qoryna jatatyn jerdiń quramynda jáne 3,0 mıllıon gektar jaıylym erekshe qorǵalatyn tabıǵı aýmaqtardyń quramynda, sondaı-aq, 97,8 myń gektar jaıy­lym sý qoryna jatatyn jerdiń quramyna ótip ketken. Al bul jerlerdi retteıtin normalar bolmaǵandyqtan, maldy jaıýǵa paıdalanýǵa berý jaǵdaılary qarastyrylmaǵan. Osyǵan baılanysty Sý jáne Orman kodeksterine jáne «Erekshe qorǵalatyn tabıǵı aýmaqtar týraly» Zańǵa tıisti tolyqtyrýlar men ózgerister engizý kózdelip otyr, onyń ishinde orman, sý qorlarynyń jerine jáne erekshe qorǵalatyn tabıǵı aýmaqtyń quramyndaǵy jerge kiretin jaıylymdar jeke jáne zańdy tulǵalarǵa mal jaıý úshin berilýi tıis bolmaq. Sondaı-aq, zań jobasyna sáıkes, oblystyń aýdandary arasyndaǵy jáne oblystar arasyndaǵy shalǵaı jaıylymdyq ýchaskelerdi paıdalaný jáne bólý tártibi bólek bap arqyly retteletin bolady. Sol sııaqty, shalǵaı jaıylymdyqtyń ınfraqurylymyn jaqsartý úshin jergilikti atqarýshy jáne jergilikti ózin ózi basqarý organ­da­rynyń ýákilettiligi keńeıtilgen. Tutastaı alǵanda, zań jobasyn qabyldaý oń baǵalanatyn birqatar áleýmettik, ekonomıkalyq jáne ekologııalyq nátıjelerge ákeledi: birinshiden, halyqty sapaly ári arzan mal ónimderimen qamtamasyz etýge múmkindik beredi; ekinshiden, et eksportynyń áleýetin arttyrady; úshinshiden, jeke qosalqy sha­rýashylyqtardy jáne shalǵaıdaǵy mal sharýashylyǵyn damytýǵa, mal basyn arttyrýǵa, jemshóp qo­ryn daıyndaýǵa, sondaı-aq, eko­logııalyq turǵydan taza mal sha­rýashylyǵy óniminiń ózindik qunyn tómendetýge jaǵdaı jasaıdy. Jeksenbaı DÚISEBAEV, Májilis depýtaty, ekonomıka ǵylymdarynyń kandıdaty.

Daǵdarys ortalyqtarynda problemalar bar

Turmystyq zorlyq-zombylyq profılaktıkasy týraly Zańǵa sáıkes, búgingi tańda elimizde psıhologııalyq jáne fızıkalyq jábirleý qaterin tóndiretin qolaısyz otbasylyq-turmystyq qarym-qatynastar sebebinen aýyr ómirlik jaǵdaıǵa tap bolǵan azamattardyń konstıtýsııalyq quqyqtaryn, bostandyqtary men zańdy múddelerin qorǵaýǵa baǵyttalǵan quqyqtyq, ekonomıkalyq jáne uıymdastyrýshylyq sharalar keshenin júzege asyrý maqsatynda on Daǵdarys ortalyǵy jumys isteýde. Turmystyq zorlyq-zomby­lyq saldarynan ómirlik qıyn jaǵdaıǵa ushyraǵan áıelder men olardyń kámeletke tolmaǵan balalaryna memleket tarapynan keshendi áleýmettik-ońaltý kómegin kórsetý Daǵdarys orta­lyqtary qyzmetiniń negizgi maq­saty bolyp tabylady. Sonymen qatar, qazirgi tańda Daǵdarys or­talyqtarynyń jumys isteýi bo­ıynsha standarttar, reglament, erejeler jáne ózge de uıym­dastyrý sharalary joqtyń qasy. Osy oraıda, olar óz qyzmet erekshelikterinde kómek sura­ǵan jandarǵa sýbektilik ózge­shelikter men qajettilikterdi kóz­demeıtin medısınalyq-áleý­mettik mekemelerdiń arnaýly áleý­mettik qyzmetter usyný tár­­tibin basshylyqqa alýǵa máj­­búr. Mysaly, júkti áıel­der­ge jáne emizetin balasy bar áıel­derge arnalǵan tamaq­taný, ja­ńa týǵan balalardy gıgıe­na­lyq jab­dyqtarmen qamtama­syz etý normalary jáne taǵy da basqalar. Mindetti normatıv keshen­deri­niń joqtyǵy saldarynan Daǵdarys ortalyqtary kóp­tegen problemalarǵa tap bolady. Máselen, kóp jaǵdaıda kómek suraǵan azamattardyń kýálandyratyn qujattary bolmaıdy, turǵylyqty jeri boıynsha tirkelmeıdi, sondaı-aq, qujattardy qaıta qalpyna keltirý, jumysqa ornalastyrý, mektepke deıingi bilim berý, medısınalyq uıymdarǵa ornalastyrý boıynsha sharalar keshenin jáne arnaýly áleýmettik qyzmetter kórsetýdiń kepildendirilgen kólemin usyný kezinde qıyn jaǵdaıǵa ákeletin qolaısyz materıaldyq, fızıkalyq, psıhologııalyq-emosııalyq jaǵdaılar kezdesedi. Osyǵan oraı Úkimet ómirlik qıyn jaǵdaıǵa tap bolǵan azamattarǵa memleket tarapynan barynsha tolyq jáne ýaqtyly kómek kórsetý maqsatynda standarttardy ázirleýdi jedeldetse, sonymen qatar, áleýmettik qorǵaý, jumysqa ornalastyrý, jumyspen qamtý, densaýlyq saqtaý, bilim berý salalary boıynsha memlekettik organdardyń quzyreti men úılesimdiligin retteıtin qoldanystaǵy zańna­maǵa tıisti ózgerister engizse, kómekke muqtaj adamdar úshin úlken saýapty is atqarar edi. Maıra AISINA, Májilis depýtaty.

Qazaqstanda kásipkerlerge barlyq jaǵdaı jasalǵan

Májilistiń Ekonomıkalyq reforma jáne óńirlik damý komıtetinde ótken Seıitsultan Áıimbetovtiń jetekshiligindegi keńeıtilgen otyrysta «Bıznestiń jol kartasy-2020» baǵdarlamasy sheńberinde orta jáne shaǵyn kásipkerlik sýbektilerin qoldaýdyń memlekettik sharalary» taqyryby talqylandy, dep habarlady Májilistiń baspasóz qyzmeti. Basqosýda Qazaqstan Respýb­lıkasy Ulttyq ekonomıka mı­nıstri Erbolat Dosaev baıandama jasady. «Sizderge «Bıznestiń jol kartasy-2020» baǵdarlamasy bo­ıynsha shaǵyn jáne orta kásip­kerlikti memlekettik qoldaý kór­­setýdiń bolashaǵy jáne nátı­je­le­ri týraly baıandaýǵa ruqsat etińizder. Búgin «Bıznestiń jol kartasy-2020» baǵdarlamasy kásipkerler arasynda tanymal jáne talap etiletin baǵdarlama ekeni ózderińizge belgili. Baǵdar­lama aıasynda kásipkerlerdi sýb­sıdııalaýǵa jáne ekinshi deńgeıli bankterdiń nesıeleri boıynsha olarǵa kepildeme berýge, óz­deriniń jańa bıznes bastama­laryna grant alýyna, jetpeı tur­ǵan ınjenerlik-kommýnıka­sııa­lyq ın­­fraqurylymdy salýyna, sony­men qatar, oqýǵa, shetelderde taǵy­­lymdama alý­ǵa, servıstik qoldaý jáne maman­dandyrylǵan konsaltıng arqyly biliktiligin arttyrý túrindegi qoldaý quraldaryn alýǵa múmkin­dikteri bar», dedi mınıstr. Sondaı-aq, ol baǵdarlamany iske asyrý úshin respýblıkalyq bıýdjetten buǵan deıin qanshama qarjy bólingenin, 2015 jylǵa 51,8 mlrd. teńge jáne daǵdarysqa qarsy shara retinde ShOB jobalaryna ınfraqurylym salý úshin Ulttyq qordan 10 mlrd. teńge bólingenin aıtty. Sonymen qatar, shaǵyn jáne orta bızneske qoldaý kórsetý arqyly qandaı nátıjelerge qol jetkizilgenin jiliktep berdi. «Búgingi kúnge baǵdarlama aıasynda qoldaýdyń barlyq sharalarymen 230 442 kásipker qamtylǵan, – dedi ol. – Qoldaý sharalaryn iske asyrý nátıjesinde 237 myńnan astam jumys oryndary quryldy jáne saqtaldy. Baǵdarlama aıasynda 2010 jyldan bastap oǵan qatysýshy kásipkerlermen 174,4 mlrd. teńge salyq tólenip, 2 503,3 mlrd. teńgege ónim óndirildi. Jal­py aıtsaq, «Bıznestiń jol karta­sy-2020» baǵdarlamasy tıimdi, óıtkeni, josparlanǵan kórset­kish­ter búgingi kúni oryndalyp otyr». Degenmen, baǵdarlamanyń qazirgiden de tıimdi iske asyrylýy ákimdikterdiń is-áreketterine baılanysty ekeni de atap kórsetildi. Sondaı-aq, mınıstr baǵdar­lamany iske asyrý tıimdiligin arttyrý jáne quraldar men bıznesti memlekettik qoldaý tetikterin odan ári jandandyrý boıynsha ju­mystardy mınıstrlik ýaqtyly jú­zege asyratyndyǵyna senim bildirdi. Otyrysta «Damý» kásipkerlikti damytý qory» AQ basqarmasynyń tóraıymy L.Ibragımova, Ult­tyq kásipkerler palatasy bas­qarmasy tóraǵasynyń orynbasary, basqarma múshesi N.Áltaev, Májilis depýtaty A.Perýashev sóz sóılep, depýtattardy atqary­lyp jatqan jumystardan habardar etti. Komıtet otyrysyna qatys­qan kásipkerler de sóz alyp, «Qazaqstanda búgin jaqsy jumys istemegende qashan isteımiz. Ká­sipkerlerge barlyq jaǵ­daı jasalyp jatyr», – dep osy múm­kindikterdi týǵyzýǵa basshylyq jasap otyrǵan Elbasyna rıza­shy­lyqtaryn bildirdi.

Arnaıy ýákildiń saparlary

Qazaqstan Parlamenti Májilisiniń depýtaty Qýanysh Sulta­nov Memleket basshysynyń arnaıy ýákili retinde Slovak Respýb­lıkasyna saparmen bardy. Sapar maqsaty 2017-2018 jyldary Birikken Ulttar Uıymy Qaýipsizdik Keńesiniń turaqty emes múshe­­ligi­ne Qazaqstannyń kandıdatýrasyn ilgeriletý, sondaı-aq, eki el arasyndaǵy parlamentaralyq óz­ara­ árekettestiktiń qazirgi jaǵdaıy men bolashaǵyn talqylaý boldy. Sapar sheńberinde Q.Sul­ta­nov­tyń Slovakııa Prezıdenti Ákim­shiliginiń basshysy Iаn Shotpen, osy el Ulttyq Keńesi tór­aǵasynyń orynbasa­ry Mı­roslav Chıjben jáne «Slova­kııa – Qazaqstan, Bela­rýs, Mol­dova, Armenııa, Ázer­baı­jan, Qyrǵyzstan, О́zbekstan, Tájik­stan, Grýzııa» parlamenttik dos­tyq tobynyń basshysy Robert Madeımen kezdesýleri bolyp ótti. Iа.Shotpen bolǵan suhbat barysynda Q.Sultanov Slovak Res­pýblıkasynyń Prezıdenti Andreı Kıskanyń atyna 2016 jyly BUU Qaýipsizdik Keńesiniń turaqty emes músheligine saılanýynda Qazaq­stannyń usy­nymyn qoldaý jó­nindegi Qazaq­stan Prezıdenti Nur­sultan Nazarbaevtyń Joldaýyn tabys etti. Taraptar ekijaqty qarym-qatynastardyń saıası jáne ekonomıkalyq salalarda damý bolashaǵyn talqyǵa saldy. Sonymen qatar, aımaqtyq jáne halyqaralyq saıasattyń ózek­ti máseleleri boıynsha ustanym­dardyń uqsastyǵy atap kórsetilip, eki memleket arasyndaǵy áleýetti eskere otyryp, saýda jáne ınves­tı­sııalyq yntymaqtastyqty jandandyrý qajettiligi basa aıtyldy. *  *  * Qazaqstan Parlamenti Májilisiniń depýtaty Qýanysh Sultanov Memleket basshysynyń arnaıy ýákili retinde Cheh Respýblıkasyna da saparmen bardy. Praga qalasyna sapary sheń­­­berinde qazaqstandyq depýtattyń Chehııa Prezıdenti Mılosh Zemanmen jáne Chehııa Parlamenti Depýtattar palatasy tóraǵasynyń orynbasary Voıteh Fılıppen kezdesýleri ótti. Q.Sultanov M.Zemanǵa Qazaq­stannyń kandıdatýrasyn 2017-2018 jyldary BUU Qaýipsizdik Keńesiniń turaqty emes músheligine ilgeriletý jónindegi Elbasynyń Joldaýyn tapsyryp, cheh tarapyn aımaqtyq jáne halyqaralyq turaqtylyq pen qaýipsizdikti nyǵaıtý, onyń ishinde ıadrolyq qarýdy taratpaý jáne qarýsyzdaný salalaryna qosqan Qazaqstannyń úlesimen qatar, kópjaqty dıplomatııa salasyn­da­ǵy elimizdiń belsendi qyzmeti týraly habardar etti. Chehııa Parlamenti Depýtattar palatasy tóraǵasynyń orynbasarymen suhbat barysynda taraptar Qazaqstan-Chehııa parlamentaralyq qatynastarynyń turaqtylyǵyn jáne eki eldiń parlamenttik delegasııasy ókilderi saparlarynyń jıiligin atap ótip, Qazaqstan Parlamenti Májilisiniń Áleýmettik-mádenı damý komıteti músheleriniń Cheh Respýblıkasyna saparynyń daıyndyǵyn talqylady. Sáýlebek BIRJAN.

Senattaǵy anyqtamalyq tanystyrylym

Qazaqstan Respýblıkasy Parlamenti Senatynda BUU Bosqyndar isteri jónindegi Joǵarǵy komıssar Basqarmasynyń (BJKB) Astanadaǵy О́kildigimen birlese ázirlengen «Azamattyǵy bar jáne azamattyǵy joq adamdar» anyqtamalyǵy tanystyryldy, dep habarlady osy palatanyń baspasóz qyzmeti. Anyqtamalyqtyń maqsaty – ha­lyqaralyq quqyqtyń, atap aıt­qan­­da, 1954 jylǵy Apat­rıdter márte­besi týraly kon­vensııanyń qorǵa­ý­yn­da júrgen azamattyǵy joq adam­dar­dyń qu­qyqtary men mindetteri, son­daı-aq, azamattyǵy bolmaýynyń negiz­gi sebepteri týraly áńgimeleý. Tusaýkeserdi asha kelip, Se­nattyń Halyqaralyq qaty­nas­tar, qorǵanys jáne qaýipsizdik komı­tetiniń tóraǵasy Ikram Adyr­bekov qazirgi kezdegi aza­mat­tyq berý, bermeý jáne jo­ǵaltý jónin­degi halyqaralyq zańdar júıe­sine qaramastan, búkil álemde mıllıon­daǵan adam azamattyǵy bolmaı ómir súrýge májbúr ekenin atap ótti. BUU BJKB málimetteri boıynsha, búkil álemde eń az degende aza­mattyǵy joq 10 mıllıondaı adam bar kórinedi. Azamattyǵy bolmaý bi­lim alýǵa, dárigerlik qyz­metke, zań­dy jumysqa or­nalasýǵa, erkin jú­rip-turýǵa qol jetkize almaı, bola­shaǵy belgisiz, erteńgi kúnge degen senimsiz ómir keshý degendi bildiredi. Sonda da azamattyǵy joq­tyq­­tyń jáne jańa jaǵdaılardyń paı­da bolýynyń aldyn alý máse­lelerin sheshýde Ortalyq Azııa elderi belsendi qyzmet etip keledi. Sondaı mysaldardyń biri 2014 jyl­ǵy naýryzda BUU BJKB men Qazaqstan Respýblıkasy Ishki ister mınıstrliginiń ara­syn­daǵy Yn­tymaqtastyq týraly memo­randýmǵa qol qoıy­lýyn aıtýǵa bola­dy. Bul eldegi adamdardyń azamattyǵy bol­maýynyń aldyn alý jónindegi Qazaqstannyń tabysty qyzmetin qamtamasyz etýge arnalǵan tyǵyz yntymaqtastyqqa negiz bolady. «Azamattyǵy bolmaý máse­lelerin sheshý jónindegi Qazaq­stannyń jetistikteri halyq­ara­lyq deńgeıde moıyndaldy. Kelesi qadam – azamattyǵy bol­maýdyń aldyn alý, quqyqtyq reformalar arqyly onyń paıda bolýynyń túpki sebepterin joıý», dep atap ótti BUU BJKB Aı­maqtyq ókili jáne Orta­lyq Azııadaǵy Aımaqtyq úıles­tirý­shisi Bernard Doıl. Sharany qorytyndylaı kelip,­ Ikram Adyrbekov qazirgi kez­de bul máseleni sheshýde sa­pa­­ly turǵyda jańa qadam qajet­ti­gin atap ótti. Bul adamdardyń aza­­mattyǵy joq bolýyna qa­tys­ty máselelerdi sheshýdiń tıim­­­di ádis­terin ázir­leý, ıaǵnı ha­lyq­­­ara­lyq quqyqtar­dyń qory­tyn­­­dy­sy men álemdik ­qo­ǵam­das­­­tyqtaǵy elderdiń ulttyq zań­­na­mala­ryn­da­ǵy quqyqtyq alshaq­tyq­tardy joıý bolyp ­tabylady.

Fotokúndelik

Sýretti túsirgen Erlan OMAROV.