ATYRAÝ. 27 aqpan. Atyraýda Memlekettik qyzmet isteri jáne sybaılas jemqorlyqqa qarsy is-qımyl agenttigi Atyraý oblysy boıynsha departamenti «Nur Otan» partııasy Atyraý qalalyq fılıalynda «Stop qylmys!» partııalyq joba sheńberinde oblystyq orman sharýashylyǵy jáne janýarlar dúnıesi aýmaqtyq ınspeksııasy qyzmetkerlerine semınar ótkizdi. Bul týraly egemen.kz tilshisi habarlady.
Semınardyń kún tártibinde «Nur Otan» partııasynyń 2015-2025 jyldarǵa arnalǵan sybaılas jemqorlyqqa qarsy baǵdarlamasy» jáne «2015-2025 jyldarǵa arnalǵan sybaılas jemqorlyqqa qarsy is-qımyl strategııasynyń» maqsattary men mindetteri týraly máseleler qaraldy.
Departamenttiń taldaý jáne sybaılas jemqorlyq qaterlerdi anyqtaý bóliminiń konsýltanty Lıýbov Daýletova semınarǵa qatysýshylarǵa memlekettik mekemelerdiń aldyna qoıylǵan mindetterin tanystyrdy. Qoǵam sanasyna sybaılas jemqorlyq kórinisterine tózbeýshilikti qalyptastyrý arqyly atalǵan mindetti júzege asyrýda sybaılas jemqorlyqqa qarsy saýattandyrý jáne jurtshylyqpen ózara is-qımyl jasaý bóliminiń qyzmetine erekshe kóńil aýdaryldy. Sonymen qatar, semınar barysynda memlekettik qyzmet kórsetýdegi mańyzdy máseleler men ony sheshý joldary talqylandy.
Budan basqa, memlekettik qyzmet kórsetý boıynsha júrgizilgen monıtorıng nátıjeleri jarııa etildi.
Joldasbek Shópeǵul.
Derek,sýret: Memlekettik qyzmet isteri jáne sybaılas jemqorlyqqa qarsy is-qımyl agenttigi Atyraý oblysy boıynsha departamenti.
