Aqmola oblysynyń jastary ardagerlermen kezdesti

KО́KShETAÝ. 28 aqpan. Aqmola oblysy Esil qalasynda «Erlik isteri – urpaqqa úlgi» atty jastardyń ardagerler jáne tyldaǵy áskerı qyzmetkerlermen kezdesýi ótti. Bul týraly egemen.kz tilshisi habarlady. «Ardagerlerdi ardaqtaıyq» jobasy aıasynda ótken sharany «Nur Otan» partııasy «Jas Otan» jastar qanatynyń Esil aýdandyq fılıaly men aýdan ákimdiginiń ishki saıasat bólimine qarasty jastar resýrstyq ortalyǵy uıymdastyrdy. Basqosýda Esil aýdany ákiminiń orynbasary Sáýle Aǵymbaeva men aýdandyq Ardagerler keńesiniń tóraǵasy Serǵalı О́sipov sóz alyp, Jeńistiń máni men mańyzy týraly keńinen baıandady. Jastar Uly Otan soǵysynyń ardagerleri Mıhaıl Pavlovıch Tımofeev pen Vasılıı Ivanovıch Epıshkonyń estelik áńgimelerin zor iltıpatpen tyńdap, ózderin qyzyqtyrǵan suraqtarǵa jaýap aldy. Kezdesý barysynda ardagerlerge baǵaly syılyqtarmen qatar, jedel qyzmet qareketindegi uıaly telefondar syıǵa tartyldy. «Osyndaı kezdesýler arqyly jastarymyz beıbit zamannyń qadirin túsinse deımiz. Biz barlyq ardagerlerdi nazardan tys qaldyrmaı, kóńil bóletin bolamyz», – deıdi «Nur Otan» partııasy «Jas Otan» Jastar qanaty Esil aýdandyq fılıalynyń atqarýshy hatshysy Laýra Irgıbaeva. Baqbergen Amalbek. Derek, sýret: egemen.kz.