Reseıdiń Chelıabi qalasynda yntymaqtastyq forýmy aıaqtaldy

QOSTANAI. 1 naýryz. Chelıabi oblysynyń gýbernatory Borıs Dýbrovskıı men Qostanaı oblysynyń ákimi Nuraly Sádýaqasov 2018 ylǵa deıingi yntymaqtastyq kelisimine qol qoıdy. Qujat saýda-ónerkásip, ǵylymı-tehnıkalyq jáne mádenı salalardaǵy jobalardy birlesip júzege asyrýdy kózdeıdi. Bul týraly ng.kz habarlady. О́tken jyly Chelıabi oblysynyń delegasııasy Qostanaıda bolǵan edi. Endi qostanaılyqtar Chelıabi oblysynda boldy. Qonaqtardy kútip alǵan gýbernator Borıs Dýbrovskıı: «Atyraý qalasynda ótken forýmda da Qazaqstan men Reseı Prezıdentteri aımaqaralyq yntymaqtastyqta eki jaqty taýar aınalymy 50 paıyzǵa deıin jetetinin aıtqan bolatyn. Bul bizdiń kópjyldyq áriptestigimiz jalpy memlekettik kólemde nátıje berdi degen sóz» dedi. Gýbernator bul áriptestik qatynastardy Eýrazııalyq ekonomıkalyq odaq sheńberinde pysyqtaı túsetindikterin aıtty. Shekaralas óńirlerdiń qatysýyna, kapıtal, taýar, qyzmet pen jumysshy kúshin almasýyna eshqandaı kedergi bolmaýy tıis. Gýbernatordyń sózin Qostanaı oblysynyń ákimi Nuraly Sádýaqasov jandandyra tústi: «Qostanaı oblystyq aýrýhanasy men Chelıabi oblystyq medısınalyq ortalyqtary arasynda medısınalyq keńester alýdy uıymdastyrýǵa qol jetkizgen edik. Bul naýqastardyń medısınalyq kómek alý múmkindigin keńeıte tústi. Chelıabi oblysyndaǵy júrek qan aınalysmy, onkologııa salasyndaǵy kadrlardyń joǵary biliktiligin, ǵylymı potensıalyn eskere otyryp, Qostanaı oblysy dárigerleriniń keńes alýyna senimmen qaraımyz» dedi. О́tken yldyń alǵashqy jartysynda Qazaqstan men Ońtústik Ýraldyń taýar aınalymy 1 182,7 mıllıon dollar bolǵan. Chelıabi oblysynda qazaqstandyq kásipkerler quryltaıshysy bolyp sanalatyn 129 kásiporyn jumys isteıdi. Qostanaı oblysynyń ákimi Nuraly Sádýaqasov jańa ekonomıkalyq keńistikte kórshilerdiń jeńil júrip-turýy kerektigin aıtty. Shegaralyq beketterde mashınalar 6-7 saǵat kútip turyp qalady. Sondyqtan, qazaq jaǵy shekaradan ótkizý beketin ulǵaıtý jobasyn jasap otyr. Forým aıasynda saýda-ekonomıýkalyq, ǵylymı-tehnıkalyq jáne mádenı yntymaqtastyq jóninde birneshe memorandýmǵa qol qoıyldy. Chelıabi oblystyq ekonomıalyq damý mınıstri Tatıana Kýznesova Ońtústik Ýralǵa kelgen ınvestorlar úshin arnaıy qoldaý baǵdarlamasy bar ekendiginen habardar etti. Qostanaılyq delegasııa Chelıabi oblysyndaǵy jańa tehnologııamen isteıtin kásiporyndardy aralady. Názıra Járimbetova. Derek, sýret: ng.kz