Pavlodarda «Nur Otan» partııasy azamattardy qabyldady

PAVLODAR. 1 naýryz. «Nur Otan» Halyqtyq Demokratııalyq partııasynyń Pavlodar oblystyq fılıalynda «Azamattardy qabyldaý kúni» ótti. Bul týraly egemen.kz tilshisi habarlady. Shara barysynda oblystyq máslıhat depýtattary, oblystyq bilim berý, densaýlyq saqtaý, jumyspen qamtýdy úılestirý jáne áleýmettik baǵdarlamalar, mádenıet, jastar isteri boıynsha basqarmalardyń, sonymen qatar, ádilet departamentiniń ókilderi oblys turǵyndaryn ótinish, aryz-shaǵymdary boıynsha qabyldady. Kópshilikti mazalaǵan suraqtardyń ishinde Semeı ıadrolyq polıgonynyń zardaby týraly da bar. Negizi polıgon aýmaǵynda turǵan halyq úshin jeńildikter bar ekenin belgili. Dese de, kópshilik zańnamadaǵy ózgeristerge baılanysty polıgon zardabyn tartqan turǵyndar soǵys ardagerleri sanatyna alyna ma, zeınetaqy mólsheri qaıta qarala ma, qandaı qujattar jınaý kerek degen sııaqty suraqtarǵa jaýap alǵysy keledi. Osy másele jóninde polıgonnyń zardaby kóp tıgen eń qaýipti aımaqta turatyn Saılaý Maqyshev esimdi azamat qabyldaýǵa arnaıy kelipti. Qabyldaý barysynda oǵan jaqynda arnaıy túrde jaýap beriletini aıtyldy. Farıda Byqaı. Derek: egemen.kz. Sýret: pavlodarnews.kz.