Júzege asqan jobalar

Ortalyq kommýnıkasııalar qyzmetinde «Samu­ryq-Energo» AQ-tyń basqarma tóraǵasy Almasadam Sát­qalıev baspasóz máslıhatyn ótkizdi. Ol Údemeli ındýs­trııalyq-ınnovasııalyq damý baǵdarlamasy aıasyndaǵy energetıka salasyndaǵy jobalardyń júzege asyrylýy jóninde áńgimeledi. Elimizde energetıka sala­synyń damý úderisteri únemi Mem­leket basshysynyń nazarynda ekenin aıtqan basqarma tóraǵasy «Samuryq-Energo» AQ-tyń ótken jyly atqarǵan jumystaryna toqtaldy. Kompanııa byltyr Indýstrııalandyrý kartasyna engizilgen birqatar ıvestısııalyq jobalardy sátti júzege asyrypty. «Ekibastuz 1-MAES-te qýaty 500 MVt №2 energııa blogyn qalpyna keltirý ju­mys­tary aıaqtaldy, ol stansanyń qýatyn 3500 MVt-ǵa deıin ul­ǵaıttyq. Almaty qalasynda transformasııalyq qýatyn 332 MVA-ǵa arttyrý arqyly Esen­taı, Altaı, Mamyr degen 3 birdeı qosalqy stansanyń qurylysy nátıjeli aıaqtaldy», degen ol aldaǵy ýaqytta iske asyrylatyn jobalardy tanystyryp ótti. Ekonomıkada oryn alǵan qazirgi jaǵdaıǵa oraı, kompanııa­da únem saıasaty tyńǵylyqty júrgizilip jatqan kórinedi. Bul týraly, «Aǵymdaǵy jyly ınves­tısııalyq bıýdjetti 23 paıyzǵa, ıaǵnı 28 mlrd. 146 mln. teńgege qys­qartyp otyrmyz. Jalpy, ákimshilik shyǵystar 13 paıyzǵa, aq­shaǵa shaqqanda 1 mlrd. 807 mln. teńgege ońtaılandyrdyq. Bar­lyǵyn qosa aıtqanda, aǵym­daǵy shyǵystardy 10 mlrd. 824 mln. teńgege deıin qysqar­tý­dy josparladyq», deıdi A.Sát­qalıev. Áıtkenmen, ınvestısııalyq baǵ­darlamalardy ońtaılandyrý ındýstrııalandyrýdyń ekinshi besjyldyǵynyń iri jáne mańyzdy jobalary men «Nur­ly Jol» baǵdarlamasyna jáne EKSPO-2017 nysandaryna qatysty emes kórinedi. Osy­ny aıtqan ol, shyǵystardy ońtaı­landyrý áleýmettik turaqtylyq deńgeıin qamtamasyz etýge keri áserin tıgizbeıtinin jetkizdi. Kompanııanyń tabysty jumys isteýine jaqsy jaǵdaı jasalǵan. «Investısııalyq jobalardy tabysty júrgizýge, energetıka salasyn damytýǵa el Úkimeti men aksıonerimiz «Samuryq-Qazyna» qoldaý kórsetip otyr. Sonyń arqasynda, «Samuryq-Energo» 2014 jyly óndiris, elektr energııasyn jetkizý, kómir óndirý boıynsha josparly kórsetkishterdi tolyq oryndady», degen kompanııa basshysy, ekonomıkalyq jaǵdaılarǵa baılanysty osy jylǵy damý josparyna ózgerister engiziligenin aıtty. Sóıtip, ákimshilik shyǵystar men ınvestısııalyq jobalardyń qarjysy qysqarǵanmen, jumys oryndary tolyq derlik saqta­latynyn taǵy qaıtalady. «Memleket basshysynyń Joldaýyndaǵy múmkindigi shek­teý­li jandarǵa arnalǵan keder­gisiz orta qurý məselesi boıynsha tapsyrmany oryndaý úshin byltyr múmkindigi shekteýli 170 adamdy jumysqa ornalastyrýǵa kvota belgilendi. Qazirgi kezde 182 adam jumysqa turdy», dedi A.Sátqalıev. Nurbaı ELMURATOV, «Egemen Qazaqstan».