Ýaqyt pen urpaq úndestigi

Oblystyq ishki saıasat basqarmasy «Dostar» mádenıet saraıynda uıymdastyrǵan «Qazaq dalasynyń uly tarıhy» atty dóńgelek ústel májilisi «Erkin ulttyń bıik rýhy» derekti fılmin tamashalaýmen bastaldy. Basqosýǵa jınalǵan Sh.Ýálı­hanov atyndaǵy Kókshetaý memle­kettik ýnıversıtetiniń oqytýshylaryn, zııaly qaýym ókilderin, stýdentter men jas­tardy quttyqtaý sózinde basqarma basshysy Gúljanar Shókeeva osynaý ulyq mere­keniń qoǵamdyq qurylysty damy­týdaǵy, eldiń tutastyǵy men urpaq tárbıesindegi erekshe mańyzyn atap kórsetti. – Respýblıkamyzdyń barlyq aımaqtaryndaǵy sııaqty, Aqmola oblysynda da óńirdiń mádenı jáne rýhanı ómirinde aıryqsha oryn alatyn tanymdyq sharalar ótkiziledi, – dedi G.Shó­keeva. – Máselen, naý­ryz aıynda aýdandarǵa, qura­myna shyǵarmashylyq ujym­dar múshelerin, tarıhshylar men mádenıettanýshylardy birik­tiretin «Qazaq eli – Máńgilik El» avtokerýeni sapar bastaıdy. Sondaı-aq, halyqaralyq murajaılar jáne folklorlyq-etnografııalyq festavaldary, Shoqan Ýálıhanov muralaryn zertteýge baılanysty ǵylymı ekspedısııa uıymdastyrylyp, «Abylaı» spektakliniń premerasy, respýblıkalyq aqyndar aıtysy, etnoaýyldar kórmesi, basqa da kópshilik sharalary ótkiziledi dep josparlanýda. Jyl boıyna jurtshylyq nazarynda bolatyn taqyryptyq kitap kórmeleri, konkýrstar, kezdesýler, dekadalar, konferensııalar, debattyq týrnırler, aksııalar men konsertterdiń mazmuny tereńdeı túspek. Bul oraı­da oblystyq ishki saıasat bas­­qarmasy aza­mattardyń utymdy usy­­­nystaryn, jańashyl bas­­­­­­­­ta­ma­laryn únemi qoldaıtyn bo­lady. Baqbergen AMALBEK, «Egemen Qazaqstan». Aqmola oblysy. Sýretti túsirgen Ermurat Dosymov.