Ortalyq basshysymen oraıly áńgime

Keshe Úkimet úıinde Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev BUU-nyń jaqynda taǵaıyndalǵan arnaıy ókili – BUU-nyń Ortalyq Azııa úshin preventıvti dıplomatııasy jónindegi О́ńirlik ortalyǵynyń (UNRCCA) basshysy Petko Draganovpen kelissóz júrgizdi, dep habarlady Premer-Mınıstrdiń baspasóz qyzmeti. Kezdesý barysynda Baqytjan Saǵyntaev Qazaqstannyń BUU-nyń halyqaralyq qaýip­sizdik pen damý problemalary salasyndaǵy asa ótkir qa­terlerdi sheshýde onyń dalalyq mıs­sııalarynyń, qorlary men baǵ­darlamalarynyń jetekshi rólin moıyndaıtynyn atap ótti. «Qa­zaqstannyń uzaq merzimdi áleýmettik-ekonomıkalyq jáne saıası damýy aıtarlyqtaı deń­geıde ońtaıly syrtqy ortanyń, birinshi kezekte, Ortalyq Azııada bolýyna táýeldi. Osymen baılanysty Qazaqstan Ortalyq Azııa­nyń saıası turaqty, ekonomıkalyq ornyqty jáne qaýipsiz damýyna múddeli», – dep atap kórsetti Premer-Mınıstrdiń birinshi orynbasary. О́ńirdegi memleketaralyq qarym-qatynasta  shetin máse­lelerdiń biri sý-energetıkalyq resýrstar bolyp tabylady. Ony bólýdiń teńgerimsizdigi Or­ta­lyq Azııa elderindegi aýyl sharýa­shylyǵynyń damýyna teris yqpal etip otyr jáne óńirdegi eko­­logııalyq-melıoratıvtik ahýal­dyń nasharlaýyna alyp ke­lýde. BUU men onyń qury­lym­dary­nyń, onyń ishinde UNRCCA-nyń Ortalyq Azııa elderiniń ishinde transshekaralyq sýlardy birlesip paıdalaný men saqtaý salasynda halyqaralyq quqyq qaǵıdattary negizindegi únqatysýdy saqtaýy mańyzdy ról atqarady. «Qa­zaq­stan Ortalyqtyń Aral teńizi basseıniniń sý resýrstaryn trans­shekaralyq basqarý úshin nor­matıvtik-quqyqtyq bazany jańǵyrtý boıynsha kúsh-jige­rin, sondaı-aq, ortaq sý re­sýrstarynyń bedeldi halyq­aralyq sarapshylardy tarta otyryp ádiletti jáne syndarly tepe-teńdigine qol jetkizý men qoldaý jónindegi kúsh-jigerdi joǵary baǵalaıdy», – dedi Ba­qyt­jan Saǵyntaev. Premer-Mınıstrdiń birinshi orynbasary Petko Draganovty UNRCCA-nyń basshysy laýa­zymyna taǵaıyndalýymen qut­tyqtap, onyń baı kásibı tájirı­besi Ortalyqtyń aldynda turǵan mindetterdi tabysty oryndaýǵa múmkindik beretinine senim bil­dirdi.