Elbasynyń aptalyq kestesi

Memleket basshysynyń baspasóz qyzmeti Elbasy Nur­sultan Nazarbaevtyń aldaǵy is-sharalar ańdatpasy týraly habarlady. 2 shildede Qazaqstan Prezı­den­tiniń qatysýymen Indýstrııa­landyrý kúnin ótkizý josparlanýda. Is-shara «Nurly Jol» jáne eldi ındýstrııalyq-ınnovasııalyq damytý jónindegi memlekettik baǵdarlamalardyń júzege asyrylý barysyna arnalady. Onyń aıasynda Indýstrııalandyrý kartasyndaǵy jańa jobalardy jáne «Nurly Jol» baǵdarlamasy aıasyndaǵy ınfraqurylymdyq nysandar qurylysyn iske qosý rásimi ótedi. Sonymen qatar, Qazaqstannyń óndiris taýarlarynyń kórmesi uıymdastyrylady. 3 shildede ótetin jıynda Jańǵyrtý jónindegi ulttyq komıssııanyń esebi tyńdalady. 4-6 shilde kúnderi Memleket basshysynyń Astana kúnine arnalǵan is-sharalarǵa qatysýy josparlanǵan. 8 shildede elimizge Úndistan Premer-mınıstri Narendra Modı saparmen keledi. Sapar barysynda Qazaqstan-Úndistan yntymaqtastyǵyn odan ári nyǵaıtý joldary qarastyrylady. 9-10 shildede Qazaqstan Pre­zı­dentiniń Reseı Federa­sııasynyń Ýfa qalasynda ótetin ShYU jáne BRIKS sammıtterine qatysýy kózdelgen. * * * Sonymen qatar, Prezıdenttiń baspasóz qyzmeti 3 shildede Mem­leket basshysynyń akorda.kz res­mı saıtynyń jańartylǵan nus­qa­syn iske qosýdy josparlap otyr. Jańa saıttyń erekshelikteri retinde onyń qolaıly qurylymy men navıgasııalaryn, saıttyń plan­shetter men smartfondarda tolyq kórinýine laıyqtalǵan dızaı­nyn, «Prezıdentke hat» fýnk­sııasy aıasynda Memleket basshy­syna hat joldaý múmkindigi qaras­tyrylǵanyn atap aıtýǵa bolady.